«Kóktemgi egis jumystaryna daıyndyq máselesi Mınıstrliktiń turaqty baqylaýynda. Kóktemgi dala jumystary elimizdiń ońtústik óńirlerinde, atap aıtqanda Almaty, Jambyl, Qyzylorda jáne Túrkistan oblystarynda bastalyp ketti. Qazirgi tańda 181,2 myń gektar jerge egin egildi», dedi Erbol Qarashókeev.
Mınıstr negizgi astyq egetin óńirlerde jappaı sebý mamyr aıynda bastalatynyn habarlady.
«Jumystardy júrgizýge daıyndyq kezinde aýa raıy qubylystary eskeriledi. Osylaısha, respýblıkadaǵy eginshiliktiń mańyzdy mindetteriniń biri - topyraqta ylǵal jınaý jáne ony utymdy paıdalaný jónindegi is-sharalardy júrgizý bolyp otyr. О́ńirler osyndaı jumys júrgizýde, qar toqtatý 3,1 mln.ga jýyq alańda júrgizildi, bul 2021 jyldyń sáıkes kezeńiniń deńgeıinen 2,5 ese artyq», dep tolyqtyrdy Erbol Qarashókeev.
Aýyl sharýashylyǵy mınıstrliginiń basshysy atap ótkendeı, qazirgi ýaqytta ylǵaldy jabý boıynsha jumystar júrgizilýde. Mınıstrdiń aıtýynsha, topyraqta ylǵaldyń jetkilikti jınaqtalýy ǵana jaqsy ónim bere alady.
