BQO polısııa departamenti bastyǵynyń orynbasary Baqyt Ashkarov oqıǵa 9 naýryz kúni Zachagan kentinde bolǵanyn aıtty.
Qylmysker zeınetker áıeldi óltirip, keıinnen onyń altynnan jasalǵan áshekeı buıymdaryn urlap ketken.
Kúdiktini qolǵa túsirý maqsatynda tájirıbeli qyzmetkerlerden jasaqtalǵan jedel tergeý toby quryldy.
Baqyt Ashqarovtyń aıtýynsha, oqıǵa 13:00-15:00 aralyǵynda, mert bolǵan áıeldiń turǵylyqty jerinde oryn aldy.
«Kúdiktini anyqtaý maqsatynda qylmys bolǵan aýdanda 700-den astam úı qaraldy. 21 kún ishinde 1 myńdaı adam súzgiden ótkizildi. Naqty dáleldemeler negizinde Oral qalasynda turatyn 35 jastaǵy áıel adam anyqtalyp, qolǵa tústi. Ol buryn sottalmaǵan, ishki ister organdarynda da esepte turmaǵan. Kúdiktiniń meken-jaıyn tintý barysynda qanǵa bylynǵan kıim, qylmys quraly – pyshaq, basqa da zatty aıǵaqtar tabyldy. QR Qylmystyq is júrgizý kodeksiniń 128-baby tártibimen kúdikti ustalyp, ýaqytsha oqshaýlaý ızolıatoryna qamaldy. Kúdikti qylmys jasaǵanyn moıyndaǵan joq. Túpkilikti sheshimdi sot qabyldaıdy», dep naqtylady Baqyt Ashkarov.
