Dinı konfessııalar ókilderi polıseılermen kezdesti

Sýısıd – minez-qulyq aýytqýy.  Degenmen, qazirgi tańda ózine ózi qol salý  birjaqty patologııalyq turǵydan qarastyrylmaıdy. Bul áreket kóp jaǵdaıda esi durys adamnyń minez-qulqy bolyp tabylady. Sondyqtan ózine ózi qol salýǵa qatysty áreket minez-qulyqtyń buzylý formasynyń eń shegi deımiz. Mine, osy oraıda ishki ister organdary qyzmetkerleriniń arasynda sýısıdterdiń aldyn alý úshin  psıhologııalyq jaǵdaıdyń jasyryn nysandary men aspektilerin taný kerek bolǵan kórinedi.  Máselen, Shyǵys Qazaqstan oblysy mamandandyrylǵan memlekettik kúzet basqarmasynyń psıholog-ıspektorlary «Ishki ister organdary qyzmetkerleri arasynda sýısıd­tik kórinisterdiń aldyn alý» taqyryby boıynsha semınar-keńes uıymdastyrdy. Kómek alý úshin atalǵan keńeske túrli dinı konfessııalardyń ókilderi men ShQO IID psıholog-ınspektorlary shaqyryldy. Sondaı-aq, is-sharaǵa MMKB basshylyǵy jáne polısııa batalondary men Ulan jáne Glýbokoe aýdandaryndaǵy polısııa vzvodtarynyń jeke jáne basshy quramy qatysty. Olardyń aldynda sóılegender ómirde bolatyn túrli jaǵdaılardyń maǵynalyq aspektilerin, problemalyq jaǵdaı­­­lardy sheshý­degi qıynshylyqtardy shydam­dylyqpen ótý joldaryn aıtty. Oǵan qosa, emosııa­lyq turaqtylyq pen tulǵanyń damýynda oń serpinge sebepshi bolatyn profılaktıkalyq jumystyń ońtaıly ádisteri men tásilderin talqylady, dep habarlady ShQO IID baspasóz qyzmeti.