BJZQ 1,7 mıllıondaı ótinishti oryndady

Oryndalǵan ótinishterdiń eń kóbi Almaty qalasynyń (17,7 paıyzy), Nur-Sultan qalasy­nyń (13,4 paıyzy), Mańǵys­taý oblysynyń (11,6 paıyzy) tur­ǵyndary tarapynan joldanǵan.

Zeınetaqy jınaqtarynyń bir bóligin paıdalanýǵa ótinishterdi qabyldaıtyn ýákiletti operatorlar – Otbasy banki, «Qazaqstan Halyq banki», «Altyn Bank», «Bank SentrKredıt» jáne «Bank Frıdom Fınans Qazaqstan». Oryndalǵan ótinishterdiń edáýir (jalpy sanynyń 95,30 paıyzy) bóligi Otbasy banki arqy­ly berilgen. Qalǵan bankter­diń úlesi kelesideı: «Qazaqstan Halyq banki» – 3,23 paıyz, «Bank SentrKredıt» – 1,39 pa­ıyz, «Altyn Bank» (0,05 pa­ıyz) jáne «Bank Frıdom Fınans Qazaqstan» (0,03 paıyz).

О́tinishterdiń basym bóligi turǵyn úı satyp alýǵa (túpkilikti esep aıyrysý), jeke turǵyn úı salýǵa (menshikte jer telimi bol­ǵan jaǵdaıda) baǵyttalǵan. Bul baǵy­tta shamamen 2 trln teń­gege (jalpy somanyń 64,4 paıyzy) 469 628 ótinish oryndaldy.

Turǵyn úı qurylys jınaq­tary júıesi boıynsha ıpotekalyq turǵyn úı qaryzyn alýǵa (qury­lysty qospaǵanda), ony tolyq jáne ishinara óteýge jáne qaıta qar­jylandyrýǵa, sondaı-aq tur­ǵyn úı qurylys jınaqtary júıesi bo­ıynsha jeke turǵyn úı salýǵa (jer telimin satyp alýdy qosqanda) jalpy somasy 402,2 mlrd teńgege (13 paıyz) 276 303 ótinish oryndaldy.

(Infografıkany jasaǵan Amangeldi Qııas, «EQ»)

Turǵyn úı satyp alýǵa ıpote­kalyq turǵyn úı qaryzyn alý úshin bastapqy jarnany engizýge, ıpotekalyq turǵyn úı qaryzy boıynsha bereshekti tolyq, ishinara óteýge jáne ony qaıta qarjylandyrýǵa 378,6 mlrd teńge (12 paıyz) aýdaryldy. Bul degenimiz – 261 128 ótinish.

Turǵyn úı qurylys jınaq aqshasyna salymdy tolyqtyrýǵa ári qaraı jınaqtaý úshin 249,2 mlrd teńgege (8 paıyz) 274 506 ótinish oryndaldy.

Turǵyn úıdi satyp alý quqy­ǵy­men uzaq merzimdi jalǵa alý shart­tary boıynsha tolyq jáne ishinara tólem jasaý, jeke­she­lendirý, tólemdi bólip tóleý ar­qyly satyp alý jáne satý, sondaı-aq jeke turǵyn úı qurylysy nemese jeke qosalqy sharýashylyq (birjola esep aıyrysý) nysanaly maqsaty bar azamattyq-quqyqtyq mámileler boıynsha jer telimin menshikke satyp alýdy qamtıtyn ózge maqsattarǵa 75,2 mlrd teńge (2,4 paıyz) aýdaryldy.

Aıta keteıik, ýákiletti operatorlardan salymshylardyń jeke zeınetaqy shottaryna ótinish berýshiniń ótinishi jáne ózge de sebepter boıynsha 422,1 mlrd teńgeden asa qarajat qaıtarylǵan. Sebebi qazaqstandyqtar birjolǵy zeınetaqy tólemderin belgilengen merzimde paıdalanbaǵan.

Sonymen qatar BJZQ emdelýge berilgen 293,5 mlrd teńgege 380 996 ótinishti oryndady. Bul rette alýǵa bolatyn ortasha soma shamamen 0,8 mln teńge. Salymshylardyń BJZQ-daǵy jeke zeınetaqy shottaryna ýákiletti operatordan (Otbasy banki) 26,9 mlrd teńge qaıtaryldy. Bul qarajat ótinish berýshiniń ótinishi nemese ózge de sebepter boıynsha belgilengen merzimde paıdalanylmaǵan.

Emdelýge berilgen ótinishter­diń edáýir bóligi tis emdeýge – 284,5 mlrd teńgege 365 751 óti­nish (emdelýge berilgen ótinish­ter­diń jalpy sanynyń 96 paıyzy) baǵyttaldy. Sondaı-aq oftal­molo­gııalyq qyzmetterge 5,1 mlrd teńgege 10 844 ótinish jáne orfan­dyq aýrýlardy emdeýge 1,1 mlrd teńgege 1 251 ótinish oryndaldy.

2022 jyldyń 1 sáýirindegi jaǵdaı boıynsha, ınvestısııalyq portfeldi basqarýshylarǵa 7,9 mlrd teńge aýdaryldy. BJZQ 4 975 ótinishti oryndady. Aýdarym­nyń ortasha somasy – 1,6 mln teńge. Qazirgi ýaqytta BJZQ zeı­net­aqy aktıvterin senim­ger­lik­­­pen basqarý­ǵa qatysty tórt ın­­ves­tısııa­lyq portfeldi basqarý­shymen shart jasasty. Aıta keteıik, 7,9 mlrd teńgeniń 45,59 pa­ıyzy nemese 3,6 mlrd teńgesi Jusan Invest-ke, 28,05 paıyzy nemese 2,2 mlrd teńgesi Halyk Global Markets-ke, 15,90 pa­ıyzy nemese 1,3 mlrd teńgesi BCC Invest-ke, 10,46 paıyzy nemese 0,8 mlrd teń­gesi «Sentras Sekıýrıtız» kom­panııasyna aýdarylǵan.