Elde tek ekonomıkalyq emes, sonymen birge kóshbasshylardyń saıası sheshimderine baılanysty áleýmettik problemalar jınaqtalyp qalǵan bolatyn.
Qazaqstan Prezıdenti Qasym-Jomart Toqaevtyń jańashyldyqqa toly reformalar paketi memleketti órkendetýdiń tyń baǵytyna aınalǵany daýsyz. Kóptegen bastamany buǵan deıin memlekettik ákimshilik jáne el ekonomıkasyn basqarǵan adamdar qabyldaǵan joq.
Prezıdent Qasym-Jomart Toqaev óziniń reformalar paketinde prezıdenttik bılikti asyra paıdalaný múmkindigin shektegendi jón dep tapty. Sondaı-aq ol eldi basqarýdy jańa demokratııalyq zań shyǵarýshy organnyń qolyna bere otyryp, shamadan tys prezıdenttik bılikten bas tartady. Prezıdenttiń partııalar qurý kezinde kedergilerdi joıý jónindegi pármeni de kóńilge qondy. Bul qadam da Qazaqstan halqy tarapynan úlken qoldaý tapqany sózsiz. Jańa partııalyq júıede ártúrli áleýmettik jáne aımaqtyq múddelerdi bildirýge bolady. Bul basqarýdy birshama qıyndatatyny anyq, óıtkeni zań shyǵarýshy organ ártúrli koalısııalar qurýǵa májbúr bolatyny belgili.
Prezıdent Qasym-Jomart Toqaev qazaqstandyqtardyń sońǵy 30 jyldaǵy ózgeristerinde mańyzdy ról atqaryp keledi. Ol eldiń Syrtqy ister mınıstrliginiń, Qazaqstan dıplomatııasynyń negizin qalaýshy boldy, premer-mınıstr qyzmetin atqara júrip, eliniń ekonomıkalyq múmkindikterin kóre aldy. Al BUU-daǵy mańyzdy laýazymdarynyń arqasynda ol óz eline syrt kóz retinde synshy boldy. Saıası reformalar men konstıtýsııalyq túzetýler paketin qabyldaý – Qazaqstan úshin alǵa qaraı jasalǵan mańyzdy qadam. Osy jaǵynan alyp qaraǵanda Q.Toqaevtyń bastamalary qoldaýǵa turarlyq.
Iаnosh HOVARI,
Túrki memleketteri uıymynyń Majarstandaǵy ókili, elshi
