Mektep oqýshylary qurastyrǵan tazalaý robotynyń jumys isteýine arnalǵan baǵdarlama jasaýǵa muǵalimi Djon Pol Bejerano kómektesken. Onyń aıtýynsha, maqsat – qymbat emes kún batareıalaryn tazalaıtyn avtomatty júıe jasaý. Kún batareıasynyń panelinde jınalyp qalǵan qar men shań tozańdy tazartý úshin robottyń aınalyp turatyn shetkasy bar. Robottyń kishigirim kún panelderi arqyly qýat jınaıtyn batareıasy bolady.
Kún sáýlesi panelderin tazartý jáne olardyń tazalaý mehanızmin jańartý úshin arnaıy qurylǵy jasaǵan oqýshynyń biri – Abylaı Amangeldiuly. Oqýshy osy ýaqytqa deıin birneshe qurylǵy oılap tapqan.
– Budan buryn «Kovıd treker» dep atalatyn baǵdarlama qurastyrǵan edim. Bul baǵdarlama arqyly koronavırýs ınfeksııasyna baılanysty aqparatty tabýǵa bolady. Al «Bilim al» atty baǵdarlamany qazaq tilin úırenýge arnap jasadym. Aldaǵy ýaqytta jas baǵdarlamashylarǵa arnalǵan baǵdarlama ashýdy oılastyryp júrmin, – deıdi Abylaı Amangeldiuly.
Oqýshylar mıdyń bólikteri men fýnksııalaryna zertteý júrgizipti. Zertteý nátıjesinde kontýzııany emdeıtin trenajerdiń áser etý kúshin tómendetetin modeldik mıǵa arnalǵan qorǵanys qalpaǵyn jasaǵan. Qorǵanys qalpaǵy sportpen shuǵyldaný kezinde onyń qulaýyna jol bermeıtin tehnologııamen jabdyqtaýǵa baǵyttalyp otyr.
– Maketimizde bes sensor bolady. Bul mıdyń bes bóligine arnalǵan. Ár datchık mıdyń ár bóligine túsetin kúshti esepteıdi, – deıdi 10-synyp oqýshysy Aısultan Jumabaı.
Atyraý oblysy
