Desantshylardyń jattyǵý deńgeıi tekseriledi

Desantshylar polıgondarǵa kóp­sha­qy­rymdyq marsh jasaıdy. Onyń ishinde, Almaty, Taldyqorǵan garnızondary áskerı bólimderiniń jeke quramy «Ile» polıgonyna, Qapshaǵaı garnızonynyń desantshylary «Shoshqaly» polıgonyna jiberiledi. Áskerlerdiń jaýyngerlik tehnıkamen qozǵalysy túngi ýaqyttarda áskerı avıasııa tikushaqtarynyń búrkemeleýimen jáne jedel búrkemeleý sharalaryn saqtaýmen júzege asyrylatyn bolady.

Marsh jasaý jaýyngerlik jáne arnaıy tehnıkalardyń tehnıkalyq jaǵdaıyn, sondaı-aq mehanık-júrgizýshilerdiń da­ıyn­dyq deńgeıin obektıvti baǵalaýǵa múm­kindik beredi.

Desanttyq-shabýyldaý áskerleri qura­ma­lary men bólimderiniń basshylyq quramy qozǵalys kezinde bólimshelerdi basqarý, barlaý, komendanttyq qyzmetti uıymdastyrý, tosqaýyl shebin eńserý men marshty jan-jaqty qamtamasyz etý tájirıbesin ıgeretin bolady.

Áskerı qyzmetshiler shartty aýdan­dar­ǵa kelgennen keıin túrli jaýyn­ger­lik is-qımyldardan turatyn oqý-ja­ýyn­ger­lik mindetterdi oryndaıdy. Tap­syr­malardyń mazmuny olardy oryndaý aldynda ǵana bólimshelerge belgili bolady. Bul komandırlerdiń óz betinshe she­shim qabyldaýǵa daıyndyǵyn baǵalaýǵa múmkindik beredi.

Baqylaý tekserisiniń basty maqsaty – áskerı qyzmetshilerdiń kúrdeli jaýyn­ger­lik jaǵdaıda is-qımyl jasaýǵa ázir­li­gin, Desanttyq-shabýyldaý áskerleri bólim­sheleriniń oqý-jattyǵý deńgeıi men úıle­sim­digin baǵalaý bolyp otyr.

Bıylǵy sáýir aıynda Qarýly kúshterde baqylaý tekserisi jańa formatta júrgiziledi. Qu­ramalar men bólimder polıgondarǵa shy­ǵyp, oqý-jaýyngerlik tapsyrmalardy oryndaıdy. Tekseris nátıjesi boıynsha bólimshelerdiń jaýyngerlik ázirligi baǵa­la­nady.