Sońǵy kezderi merzimdi baspasóz betterinen «Gazet kerek pe? Kim úshin kerek?» degen saryndaǵy dúnıelerdi jıi oqıtyn boldyq. «Sebepsiz saldar bolmaıdy» degendeı, shynynda da, jurt gazet-jýrnal oqýdan qalyp barady. Oǵan ınternet, áleýmettik jeli, aqparat taratatyn túrli-túrli quraldar óziniń eleýli áserin tıgizip otyr. Onyń ústine, qazir buqaralyq aqparat quraldarynyń ornyna buqaralyq kommýnıkasııa degen uǵym ómirge keńinen enip, beleń ala bastady. О́mir bir ornynda turmaıdy degen osy.
Biz keńes zamanynda ómir súrip, eńbek ettik. Ol ýaqytta buqaralyq aqparat quraldarynyń, onyń ishinde gazettiń bedeli joǵary boldy. Gazet-jýrnaldarǵa shyqqan syn materıaldarǵa mindetti túrde shara kórilip, jaýap beriletin. Saýatty jandardyń bári gazet oqıtyn. Maqtanǵanymyz emes, meniń qatarlastarym da, jasy úlken aǵalarymyz ben apalarymyz da orazamyzdy kúndelikti kelip jatatyn gazet-jýrnalmen ashatyn edik. Eń kemi ekeý, úsheý, tipti on shaqty basylymdy jazdyryp alyp oqıtyndar da bolatyn aramyzda. Qalaı degende de gazet-jýrnalǵa jetetin dúnıe joq qoı. Sebebi odan izdegen adam bárin tabady. Rýhanı azyq degenińiz, mine, osy!
Jalpy, «Gazet kerek pe? Kim úshin kerek?» degen saýalǵa beretin jaýabymyz mynaý: gazet kerek! Ol eń aldymen qoǵamǵa, onda turatyn adamdarǵa kerek. Áli de qoǵamymyzda kózi ashyq, kókiregi oıaý, saýatty, gazet oqıtyn jandar barshylyq. Ony az deseńiz, órkenıetti, jalpaq álemdi tehnıkalyq, tehnologııalyq ozyq ǵylymymen tań qaldyryp kele jatqan elderdiń ózinde san mıllıondaǵan taralymmen gazetter shyǵyp jatqanyn qaıda qoıamyz?
Toqsan aýyz sózdiń tobyqtaı túıini sol – gazet adamǵa aýadaı qajet.
Káribaı ÁMZEULY,
Sozaq aýdanynyń Qurmetti azamaty
Túrkistan oblysy
