Kez kelgen elde eleýli ózgerister jasaý ýaqytty talap etedi, ásirese 30 jylǵa jýyq aıtarlyqtaı ózgeris bolmaǵan Qazaqstan sııaqty jas elde bul asa mańyzdy. Sondyqtan, eń aldymen, halyqqa úlgi kórsetip, ótkenge oralýdy kózdegen kez kelgen áreketke qarsylyq bolatynyn bıliktegi toptyń turaqtylyǵy arqyly kórsetý asa qajet. Basqasha aıtqanda, bul dástúr men progresti sátti úılestiretin mádenı revolıýsııa bolýy kerek. Ishki qaýipsizdik apparatyn jańartý – kez kelgen reformanyń alǵysharty. Eger jaǵdaı qazir qolaıly bolsa, resmı aspektilerge kóp kóńil bólmeı, reformalardan tartynbaý kerek.
Qazaqstannyń ulttyq múddege negizdelgen kópvektorly syrtqy saıasaty Batys pen Eýrazııalyq blok arasyndaǵy «jańa qyrǵıqabaq soǵysqa» tap bolǵan kóptegen basqa elge qaraǵanda belgili bir artyqshylyq beredi.
Qazaqstan taktıkalyq barlaý arqyly ózge eldermen jaqsy qarym-qatynasyn Reseı men Qytaımen bıznes júrgizýdi jalǵastyrǵysy keletin eýropalyq jáne amerıkalyq oıynshylar úshin Eýrazııadaǵy kópir bolýǵa qoldana alady. Serbııa men Túrkııa qazir osyndaı «kópir el» bolyp otyr, Majarstan men Birikken Arab Ámirlikteriniń róli áli anyqtaýdy qajet etedi.
Qazaqstan tabıǵı resýrstarǵa baı el jáne onyń keńinen bólinýi áleýmettik uıymshyldyq pen ınstıtýsıonaldyq saıasatta kelisimge kelýge yqpal etpeı qoımaıdy. Bul sonymen birge ekonomıkalyq tetikter men eldi basqarýdy tıimdirek etedi. Strategııalyq sektorlardy memlekettiń baqylaýy jáne shaǵyn jáne orta kásiporyndardy yryqtandyrý basty mindet bolýǵa tıis.
Eger qazirgi el bıligi jarııalaǵan jańǵyrý josparyn qatań ustanatyn bolsa, Jańa Qazaqstanǵa betburys bolatynyna senimdimin.
Stefano VERNOLE,
Eýrazııa aımaǵynyń Geosaıası zertteýler jýrnaly dırektorynyń orynbasary, Eýrazııa-Jerorta teńizi zertteý ortalyǵynyń syrtqy baılanystar jónindegi dırektory (Italııa)
