Túrkııa soty ınternetke qoıylǵan shekteýlerdiń birazyn alyp tastady

Túrkııa soty Youtube  saıtyna qoıylǵan shekteýdi alyp tastady, dep habarlaıdy ITAR-TASS agenttigi. Sot saıtqa tolyq shekteý qoıý jónindegi sheshimin qaıta qarap shyǵyp, ony alyp tastaýǵa sheshim qabyldady. Degenmen, belgili beınematerıaldarǵa shekteý sol kúıinde qala bermek. Sot saıtqa tolyq shekteý qoıý Konstıtýsııanyń 26-shy babymen qorǵalatyn sóz bostandyǵyna nuqsan keltiretinin málimdedi. Sot sheshiminde jergilikti provaıderlermen shekteý qoıylǵan 15 beınematerıalǵa tikeleı silteme jasalǵan. Bul beınejazbalar túrik áskeriniń Sırııa aýmaǵyna kirgizilýi sóz bolǵan Túrkııa basshylyǵynyń qupııa jınalysynan alynǵan kórinedi. Sonymen qatar, 3 sáýirde Túrkııanyń Konstıtýsııalyq soty Twitter áleýmettik jelisine qoıylǵan shekteýdi zańsyz dep tanyp, bul árekettiń sóz bostandyǵy men adam quqyqtaryna qarama-qaıshy keletinin jetkizdi. Osyǵan baılanysty Túrkııa úkimeti Twitter áleýmettik jelisine qoıylǵan shekteýdi de alyp tastaǵan bolatyn. Aıdar О́risbaev. Derekkóz: Itar-tass.com. Foto: Dw.de.