Alqaly jıyn kórnekti memleket jáne qoǵam qaıratkeri, Túrkistan avtonomııasynyń jetekshisi bolǵan Mustafa Shoqaı muralarynyń zerttelýi jáne saıası-qoǵamdyq qyzmetiniń ǵylymı eńbekterde kórinis tabýy máselelerine arnaldy.
Konferensııa aıasynda Ulttyq akademııalyq kitaphana qoryndaǵy Mustafa Shoqaıǵa qatysty eńbekterden taqyryptyq kórme uıymdastyryldy. Kórmede shoqaıtanýshy-ǵalymdardyń ǵylymı eńbekteri, kitaptary men baspasóz betinde jaryq kórgen maqalalary qoıyldy. Sonymen birge, QR Ulttyq muraǵat qoryndaǵy Mustafa Shoqaı qoljazbalarynyń kóshirmeleri de kópshilik nazaryna usynyldy.
Keleli kezdesýdi Halyqaralyq Túrki akademııasynyń prezıdenti Darhan Qydyráli júrgizip otyrdy.
Jıynǵa qatysýshylar ótken ǵasyrda tutas Túrkistannyń azattyǵy úshin kúresken Mustafa Shoqaıdyń tarıhı tulǵasy men ıdeıasy jóninde keńinen sóz órbitip, paıymdy pikirlerin ortaǵa saldy.
Oflaın jáne onlaın formatta ótken is-sharaǵa kórnekti memleket jáne qoǵam qaıratkeri Myrzataı Joldasbekov, L.N.Gýmılev atyndaǵy EUÝ prorektory, QR UǴA akademıgi Dıhan Qamzabekuly, Sh.Sh. Ýálıhanovatyndaǵy Tarıh jáne etnologııa ınstıtýtynyń Dúnıejúzilik tarıh bóliminiń meńgerýshisi Gúljaýhar Kókebaeva, QR Ortalyq arhıviniń dırektory Sábıt Shildebaı, Memlekettik tarıh ınstıtýty dırektorynyń orynbasary Búrkitbaı Aıaǵan, Reseı Aımaqtyq máseleler ınstıtýtynyń dırektory Dmıtrıı Jýravlev, Reseı Ǵylym akademııasynyń Shyǵystaný ınstıtýty Ǵylymı keńesiniń múshesi Aleksandr Kadyrbaev, RǴA Ýfa ǵylymı ortalyǵy Tarıh, til jáne ádebıet ınstıtýtynyń jetekshi ǵylymı qyzmetkeri Ahat Salıhov, О́zbekstan Ǵylym akademııasy Tarıh ınstıtýtynyń bólim meńgerýshisi Kahramon Radjabov, Baký memlekettik ýnıversıtetiniń professory Abıd Tahırlı,
Qyrǵyzstan Kitap palatasynyń jaýapty qyzmetkeri Kýshýbek Kachıbekov jáne basqa da alashtanýshy, shoqaıtanýshy ǵalymdar men zııaly qaýym ókilderi qatysyp, mazmundy baıandamalar jasady.
