Depýtattar memleket tarapynan kómek kórsetiletinin aıtyp, máselelerdi ózderiniń jiti baqylaýynda ustaıtynyn jetkizdi.
Májilis depýtattary Qulshar Málik pen Snejanna Imasheva Batys Qazaqstan oblysyna baryp, sý tasqynynan zardap shekken aýdan turǵyndarymen kezdesti.
Málik Qulshar Qaratóbe aýdanyndaǵy Shalǵyn aýylynda balalardyń oqýy uıymdastyrylǵan aýyldyq klýbta muǵalimdermen tildesip, mán-jaıdy talqylady.
«Negizgi mekteptiń ǵımaratyna sý kirip, bólmelerdiń ortasy qulaǵan. Qazir oqýshylar ýaqytsha aýyldyq klýbta bilim alyp jatyr. Aýyldaǵy 45 úıdiń 29-na sý kirgen, 23-i turýǵa kelmeıdi. Aýyl turǵyndary sý kirmegen úılerge 3-4 januıadan bólinip ornalasqan. Qulaǵaly turǵan úılerdi saraptaý jónindegi komıssııa jumys istep jatyr. Aýyl halqy eshqaıda kóshpeı, jańa mektep te, úıler de osy aýylǵa salynsa degen ótinishterin jetkizdi», dedi depýtat.
