Ýnıversıtettiń jelilik ınjenerlik mektebi

Oblystyń Bilim basqar­ma­synyń qoldaýymen júzege asyrylyp jatqan aýqymdy joba boıynsha ShQTÝ alańynda óńirdegi 27 mekteptiń 9-11 sy­nyp oqýshylaryna bilim beri­le­di. Bul jobanyń qolǵa alynýyna taǵy bir sebep – sońǵy jyl­dary Ulttyq biryńǵaı tes­ti­leýdi tapsyrý kezinde be­ıin­di pánder retinde fızıka men mate­matıkany tańdaıtyn talap­kerler sany tym tómendep ketken. Munyń ózi tehnıkalyq mamandardyń azaıýyna ákelip soǵýy múmkin.

Osy máseleni sheshý úshin ýnıversıtet rektory Jasulan Shaımardanovtyń bastaýymen birneshe jyldan beri oblys mektepterinde ınjenerlik synyptar qurý jumysy júr­gi­zilip keledi. Demalys kezinde ba­lalar ýnıversıtet bazasyn­da fızıka men matematıka pán­de­rin tereńdete oqıdy. Nátıje jaman emes, bilim berý sapasy jańa deńgeıge kóterildi. Jelilik ınjenerlik mekteptiń ashylýyna oraı joǵary oqý orny shańyraǵynda oblys mek­tepteri dırektorlarynyń qaty­sýymen «dóńgelek ústel» ótti. Bul is-sharaǵa olardyń reseılik áriptesteri de onlaın rejimde qosyldy.

– EKTU Educational Aca­de­my jelilik ınjenerlik mekte­bi D.Serikbaev atyndaǵy ýnı­versıtettiń áleýetin paıda­la­na otyryp, oqýshylarǵa te­reń­detilgen bilim berip jatyr. Maqsatymyz da aıqyn: fızıka-matematıkaǵa qabileti bar oqýshylardyń bilimin te­reńdetý. Sabaqtyń 50 paıyzy oflaın rejimde ótse, 50 pa­ıy­zy – onlaın, – deıdi atalǵan ýnı­versıtettiń akademııalyq qyzmet boıynsha prorektory Jadyra Túsiphanqyzy.

Aıta ketsek, jelilik ınje­ner­lik mektepte kez kelgen bala oqı almaıdy. Ol úshin shá­­kirtter arnaıy synaqtan ótý­ge tıis. Máselen, oqýshy tes­ti­leýde 70 upaıdan joǵary alsa, tegin oqytylady. Al 50 men 69 aralyǵynda upaı jınasa, aqyly túrde oqıdy. Eń tıim­disi, ınjenerlik jelilik mek­tepte bilim alǵan túlek ýnı­ver­sıtetke oqýǵa avtomatty túr­de qabyldanady. Joba 2025 jyl­ǵa deıin josparlanǵan.

Ýnıversıtette jelilik mektep bazasynda sabaq beretin muǵalimderge arnalǵan kýrs­tar da uıymdastyrylǵan. Bi­lik­tilikti arttyrý kýrsy aq­y­ly túrde bol­ǵanymen, nátı­jeli jumys at­qarǵan muǵalim­derge syıaqy da qaras­ty­ryl­ǵan.

Búginderi EKTU Educational Academy jumys jos­par­lary kelisilip, mektep qu­ra­my­na oqý­shylardy jáne muǵa­lim­der­di irikteý bastalady. Jeli­lik ın­jenerlik mektep aıasynda oqý­shylar ınjenerlik matematıka, fızıka boıynsha kúsheı­tilgen daıarlyqtan ótedi, qol­dan­­baly ǵylymı jobalardy iske asyrady, olımpıadalarǵa qaty­sady, demalys kezinde olar­ǵa ýnı­ver­sıtettiń ǵylymı-zert­teý jáne zerthanalyq bazasy usynylady. Sonymen qatar joǵary synyp oqýshylary jazǵy mektep aıasynda Buq­tyr­ma sý qoımasynyń jaǵa­laýyndaǵy «Prostor» jazǵy lagerinde daıyndyqtan ótedi.

Jelilik ınjenerlik mek­tep­tiń ashylýy erekshe format­ta ótti. Sebebi ádettegideı lenta qııý, uzyn-sonar baıandamalar bol­ǵan joq. Árkim óz tile­gin qysqa da nusqa bildirdi. Sonaý Más­keýdegi joǵary oqý oryn­da­rynyń ustazdaryna deıin jyly lebizderin bildirip, kó­mek­ke árqashan ázir ekenderin jetkizdi.

Jıyn sońynda Tarbaǵataı, Katonqaraǵaı, Zaısan aýdandary men Kýrchatov, Rıdder qala­larynan kelgen ustazdar, mektep dırektorlary ýnıversıtet ishin aralap, atqarylyp jatqan jumystarmen tanysty.

Shyǵys Qazaqstan oblysy