Sarapshylardyń baǵalaýynsha, 2022 jyldyń qańtar-aqpan aılarynda temirjol kóligi salasyndaǵy kompanııalardyń kirisi 196,2 mlrd teńge boldy. Bul ótken jylmen salystyrǵanda 20,8%-ǵa artyq.
185,2 mlrd teńge kiristiń basym bóligin kásiporyndar júk jáne bagajdy tasymaldaýdan alsa, jolaýshylardy tasymaldaýdan túsken tabys nebári 11 mlrd teńge boldy.
2022 jyldyń alǵashqy eki aıynda temirjol kóligimen júk pen bagajdy tasymaldaý 70,8 mln tonna bolǵan. Bul ótken jylmen salystyrǵanda 10,2%-ǵa artyq.
«О́ńirlik turǵyda júk pen bagajdyń basym bóligi Qaraǵandy oblysyna tasymaldanǵan (8,8 mln tonna). Úzdik úshtikke Aqtóbe oblysy (7,7 mln tonna) men elorda (7,4 mln tonna) kirdi», dep jazdy Ranking.kz zertteýinde.
Sonymen qatar mamandardyń aıtýynsha, eldegi júk aınalymy 18,2 %-ǵa artqan. Bıyl qańtar-aqpan aılarynda temirjol kóligimen 2,5 mln adam tasymaldandy. Bul 2021 jyldyń qańtar-aqpanymen salystyrǵanda 28,8%-ǵa artyq.
Sondaı-aq 2022 jyldyń naýryz aıynyń qorytyndysy boıynsha jolaýshylar temirjol kóligi qyzmetteriniń baǵasy kóterildi. О́ńirlik turǵyda elorda turǵyndary baǵanyń ósýin eń kóp sezindi – jylyna 9,8%. Alǵashqy úshtikke Atyraý (jylyna plıýs 5%) jáne Aqmola (plıýs 4,6%) oblystary kirdi.
Mamandardyń zertteýinshe, tórt oblysta – Jambyl, Mańǵystaý, Soltústik Qazaqstan jáne Túrkistanda baǵa bir jyl burynǵy deńgeıde qaldy. Eki oblysta baǵa tómendedi: Shymkentte 1,5%-ǵa, Qyzylorda oblysynda 2%-ǵa.
