О́mirge beıimdelgen teatr

«Astana Opera» memlekettik opera jáne balet teatryndaǵy qoıylymdar men kon­sertterdiń bıleti zamanaýı onlaın úlgi­­sinde satyla bastady. «Astana Opera» teatry bıletti satýdyń elektrondyq júıesin iske qosty. Bıletter saýdaǵa bılettik operator Biletbar.kz arqyly túsetinin, bıletti satý jónindegi vıdjet teatrdyń saıtynda ornalasqanyn habarlaǵan teatrdyń baspasóz qyzmeti, sondaı-aq kassadan jáne ınternet arqyly satyp alynatyn bıletterdiń baǵasy birdeı bolatynyn eskertti. Bıletti satý erejesi burynǵysha qala bermek. Mysaly, bıletti basqaǵa aıyr­bastaı almaısyz jáne keri qaıtarý da múmkin emes. Atalǵan jobany júzege asyrý Negizgi zaldyń da, Kameralyq zaldyń da qoıylymyna bıletti satyp alý jolyn jeńildetedi ári yńǵaılandyra túsedi. Bıletti qaı jolmen satyp alsańyz da barlyq satylym bir júıe arqyly júzege asatyndyqtan, bir orynǵa bıletti ártúrli saýda núktesinen satý múmkindigine jol berilmeıtinin aıta ketken jón. Bıletti satý júıesi ashyq túrde júrgiziledi. Satylǵan ár bılet júıede tirkeletindikten ony óz kúshińmen nemese baǵdarlama arqyly óshirý jáne ózgertý negiz­siz. Sondaı-aq, bıletti qoldan jasaý sııaqty alaıaqtyq áreketterdiń joly kúni buryn kesilip otyr. Ár bılet orny, qatary, qalaı jáne qaı ýaqytta alynǵany jaıynda naqty satyp alý deregi bar QR kodpen qam­tylǵan. Zalǵa óterde osy kod ar­naıy quraldyń kómegimen skan­nan shyǵarylyp, aqparat oqy­lady, osylaısha bılet tekserýden ótedi. Aıta keteıik, smartfony jáne planshettik qurylǵysy bar adam­­­ǵa bıletti basyp shyǵarýdyń qa­je­ti joq, óıtkeni, elektrondyq bı­let opsııasy iske qosylyp otyr. «Egemen-aqparat».