Komıssııa memlekettik til saıasatynyń tıimdi iske asyrylýyn qamtamasyz etý maqsatynda qurylady.
Komıssııa óz qyzmetinde QR Konstıtýsııasyn, QR zańdaryn, QR Prezıdenti men Úkimetiniń aktilerin, ózge de normatıvtik quqyqtyq aktilerdi basshylyqqa alatyny kórsetiledi.
Komıssııanyń jumys organy QR Bilim jáne ǵylym mınıstrligi bolyp bekitildi.
Komıssııanyń negizgi mindetteri:
- Memlekettik til saıasatyn iske asyrý tetikterin odan ári jetildirý boıynsha usynystar ázirleý;
- Til reformasyn keshendi iske asyrý boıynsha usynymdar ázirleý;
- Memlekettik til saıasatyn jetildirý jáne qazaq tili álipbıin latyn qarpine kóshirý boıynsha usynymdar men usynystar ázirleý;
- Memlekettik tildi keshendi jáne júıeli damytý, qoldaný aıasyn keńeıtý, úılesimdi til saıasatyn iske asyrý jóninde usynystar ázirleý;
- Memlekettik tildiń halyqaralyq qarym-qatynastaǵy róli men orny, shetelde memlekettik tildiń qoldanylý aıasyn keńeıtý jóninde usynymdar ázirleý;
- Memlekettik til saıasatyn iske asyrý jónindegi qyzmetti aqparattyq, ádistemelik jáne uıymdastyrýshylyq qamtamasyz etý boıynsha usynymdar ázirleý.
Komıssııanyń fýnksııalary:
- Ortalyq memlekettik jáne jergilikti atqarýshy organdar, kvazımemlekettik sektor uıymdary jáne memlekettik emes uıymdar basshylarynyń memlekettik til saıasatyn iske asyrý jónindegi esepterin tyńdaý, usynystar berý;
- Memlekettik til saıasatyn iske asyrýdyń ǵylymı, bilim berý aspektilerin jáne onyń ǵylym men mádenıet tiline barynsha ózgerýin qaraý;
- Memlekettik til saıasaty salasyndaǵy normatıvtik quqyqtyq aktilerdi jetildirý boıynsha usynymdar ázirleý;
- Memlekettik til saıasatyn iske asyrý jáne qazaq tili álipbıin latyn grafıkasyna kóshirýge baǵyttalǵan is-sharalardy júzege asyrý salasyndaǵy memlekettik ortalyq, jergilikti jáne ózge de memlekettik organdar men memlekettik emes uıymdardyń is-áreketterin taldaý.
Qujat 22 sáýirge deıin «Ashyq NQA» saıtynda jarııa talqylaý úshin ornalastyrylǵan.
