«Almaty qalasy áýejaıynyń jelilik polısııa bóliminiń bastyǵy ustaldy. Ol qańtar oqıǵasy kezinde óziniń qyzmettik mindetterin oryndamaı, áýejaıdy kúzetsiz qaldyrdy. Osylaısha, áýejaıdy basyp alýǵa jol berdi. Saldarynan áýejaıǵa aıtarlyqtaı zııan keltirildi. Onyń ınfraqurylymy buzyldy, kásipkerlerdiń múlki urlandy, jolaýshylardyń ómiri men densaýlyǵyna qaýip tóndi», dedi ol OKQ-daǵy brıfıngte.
Eldos Qılymjanovtyń aıtýynsha, sol kezde áýejaıda 165 qaýipsizdik qyzmetkeri, onyń ishinde 40 polısııa qyzmetkeri, 65 shekarashy, 60 avıasııalyq qaýipsizdik qyzmetkeri bolǵan. Olardyń bári shabýylǵa toıtarys berý úshin jetkilikti atys qarýymen qamtamasyz etilgen.
