«Memleket basshysynyń tapsyrmasynan keıin kompanııada birqatar shara qolǵa alynyp, aýqymdy jumys júrgizilip jatyr. Shtat 2 esege qysqartylyp, qyzmetkerlerdiń sany azaıdy. Basqarý laýazymy da eki esege deıin qysqardy. Sonymen qatar kompanııadaǵy keńesshiler ınstıtýty men qordyń sheteldegi ókildikteri jabyldy», dedi Ǵıbrat Aýǵanov.
Onyń aıtýynsha, bıyl 1 sáýirden bastap «Samuryq-Qazyna» AQ-da satyp alýdyń jańa erejesi engizildi.
«Satyp alýdyń jańa erejesi qoǵam men quzyrly organdardyń qyzý talqysynan ótti. Jańa erejede biz barynsha ashyqtyqty qamtamasyz etýge tyrystyq. Laýazymdy tulǵalar men qyzmetkerlerdiń korporatıvtik jáne áleýmettik jaýapkershiligi kúsheıtildi. Sol sııaqty atalǵan salaǵa jaýapty jetekshiler taǵaıyndaldy. Taǵy bir aıtyp ótetin jaıt, jyl basynda óndiristik qyzmetkerlerdiń jalaqysy birshama artty. Odan bólek birqatar áleýmettik-qaıyrymdylyq baǵyttaǵy is-shara qolǵa alyndy», dedi ol.
