foto: pixabay
Zardap shegýshi otolarıngologııalyq bólimshege (profıl – jaq-bet hırýrgııasy) jatqyzyldy.
«Naýqas «bas mıynyń jabyq jaraqaty, mıdyń shaıqalýy, yǵysýmen tómengi jaq súıeginiń synýy, oń jaqtaǵy paraorbıtaldy gematoma» dıagnozymen tústi. Sonymen qatar jasóspirimde sol jaq radıýstyń jabyq epıfızıolızi (destrýksııa - shamamen red.) bar. Deneniń jáne aıaq-qoldyń kógerýi men sydyrylýy da baıqaldy», delingen habarlamada.
Dárigerler naýqasqa birneshe ota jasatýdy josparlap otyr.
«Búginde balanyń jaǵdaıy ortasha aýyr. Ol qajetti em alady, hırýrgııalyq emdeý birneshe kezeńde josparlanady», deıdi dárigerler.
Oqıǵa 9 sáýir kúni keshke Qalqaman aýylyndaǵy qaraýsyz qalǵan ǵımarattyń aýmaǵynda bolǵan. 2008 jyly týǵan kámeletke tolmaǵan bala on metrdeı bıikten qulap, birneshe dene jaraqatyn alyp, aýrýhanaǵa jetkizildi.
