TazaLike Shymkenttegi aksııadan bastaý aldy

Is-sharaǵa 100-den astam jas qatysyp, olar Asanbaı As­qar­ov atyndaǵy qalalyq den­dro­­saıabaqqa 200-den astam kóshet otyr­ǵyzdy. A.Oralov bul joba­nyń bas­ty maqsaty azamat­tardyń eko­lo­gııalyq mádenıetin arttyrý, qorshaǵan ortany taza ustaýdy kúndelikti ómir saltyna aınaldyrý jáne resýrstardy únemdi paıdalaný mádenıetin damytý ekenin atap ótti.

«Partııa kásibı ekologterdi, belsendiler men eriktilerdi ju­myl­dyryp, jyl boıy túrli ekolo­gııalyq aksııa ótkizetin bolady. Jańa ekologııalyq joba árbir óńirde, árbir aýdan men aýylda qoldaý tabatynyna kúmá­nimiz joq. О́ıtkeni jerimizdi taza ustap, elimizdi kórkeıtý – basty mindetterimizdiń biri», dep atap ótti A.Oralov.

Sondaı-aq partııanyń At­qa­­­rýshy hatshysy qalalyq On­ko­­­logııalyq ortalyq­ta boldy. Atal­ǵan ortalyqta Amanat par­tııa­synyń saılaýaldy baǵdar­la­masyn iske asyrý aıasynda pozıtrondy-emıssııalyq tomografııa (PET) túsirýge arnalǵan jabdyq ornatylǵan.

Ortalyq ujymymen kezdesýde ult densaýlyǵy partııanyń basty basymdyqtarynyń biri ekendigi aıtyldy. Elimizdegi 75 myńǵa jýyq medısına qyz­met­keri – partııa músheleri. Bul ama­nattyqtardyń jalpy sanynyń shamamen 10 paıyzyn quraıdy.

«PET zerthanasy buǵan deıin tek Almaty men elordada bol­dy. Endi Shymkenttiń jáne oǵan jaqyn ornalas­qan óńir tur­ǵyndary jolǵa ýaqyt pen qara­jat shyǵyndamaı, zamanaýı jab­dyq­ta tegin tekserýden óte alady. Pozı­trondy-emıssııalyq tomo­gra­fııanyń biregeıligi – onko­logııalyq óskinderdi erte satysynda anyqtaýǵa jáne tıisinshe tıimdi em júrgizýge múmkindik beredi», dedi Qazaq onkologııa jáne radıologııa ǵylymı-zert­teý ınstıtýtynyń basqarma tóra­ıymy D.Qaıdarova.

Sonymen qatar Shymkentte qala­daǵy bastaýysh partııa uıym­dary tóraǵalarynyń jınalysy ótip, onda jergilikti jerlerde partııanyń jańa jobalaryn sapaly júzege asyrý máseleleri tal­qylandy. Búginde qalada quramynda 31 myńnan astam partııa múshesi bar 51 bastaýysh partııa uıymy jumys isteıdi.

Osy kúni A.Oralov Shym­kenttiń partııa aktıvimen de kez­desip, el Prezıdentiniń Jol­daýynda jarııalanǵan reformalardy sapaly júzege asyrý úshin partııa modernızasııasynyń basymdyqtaryn talqylady.

«Qalamyzda jumys iste­meı­tin, oqymaıtyn jáne jumys tabý­ǵa talpynbaıtyn NEET sana­tyn­daǵy jastardyń úlesi – 6,7%, ıaǵnı 15 myńǵa jýyq adam. Ama­nat partııasynyń aldynda osy sanattaǵy adamdardy áleý­mettendirýdiń tıimdi sheshim­derin ázirleý boıynsha qyrýar jumys tur», dedi kezdesý bary­synda Shymkent qalalyq Jastar resýrstyq ortalyǵynyń jetekshisi M.Isahov.