Tótenshe jaǵdaı mamandary jetip úlgergenshe, Rechnoe aýylynda eki úıdi sý basyp, úsh úıdiń mańaıyna jaıylǵan. Qutqarýshylar jete salysymen, 16 turǵyndy qaýipsiz jerge shyǵardy. Qora-qopsysyndaǵy toraıyna deıin aman alyp qaldy. Aýyldyqtardyń aıtýynsha, der kezinde jetken qutqarý qyzmeti 50 bas maldy aýyl shetindegi sý baspaıdy-aý degen orynǵa qamaǵan. «Malym – janymnyń sadaǵasy» dep otyrǵan Rechnoe aýylynyń turǵyndary úshin maldan basqa baılyq joq.
О́zen arnasyna keptelgen muzdy tehnıkamen ashý múmkin bolmaǵandyqtan, mamandar birden jarýǵa sheshim qabyldady. Sebebi mınýt saıyn kóterilip bara jatqan ózen sýy búkil aýylǵa qaýip tóndirdi. Sý qaýpiniń aldyn alýǵa qys ortasynan beri daıyndalǵan qutqarýshylar 6 067 sharshy metr alańda jarylǵysh zat paıdalanyp, keptelgen muzdy kúldeı etti. Qaýip taǵy tónbeýi úshin tótenshe jaǵdaı qyzmetkerleri tikushaqpen ózen boıyn barlap shyqty.
Degenmen, sýdyń ekpini kúsheıe bergen kórinedi. 20 saǵat ishinde sý deńgeıi taǵy kóterilip, 8 úı sý astynda qalǵan. Onyń altaýy turǵyn úı bolsa, ekeýi bos turǵan edi. Turǵyndar qutqarýshylardyń baqylaýymen dereý úılerin tastap ketti. Resmı derekterge súıensek, 36 turǵyn, onyń ishinde 10 bala evakýasııadan keıin týǵan-týystaryna ornalastyrylǵan eken.
Oqıǵa ornyna oblystyq TJD jeke quramynyń 69 qyzmetkeri, 2 júzý quraly, 11 motopompa jáne 8 birlik tehnıka, JAO-nyń 20 qyzmetkeri jáne 8 birlik tehnıka jumyldyryldy. Qoǵamdyq tártipti saqtaý jáne sý basqan úılerdi tonaý faktisin boldyrmaý úshin polısııa qyzmetkerleri de jumyldyryldy.
– Rechnoe aýylynda sý basý qaýpiniń beti qaıtqan sııaqty. Baqylaýda ustap otyrmyz. Jalpy, oblysta jaǵdaı turaqtaldy, – deıdi TJD baspasóz hatshysy Marına Lıskova.
Qazirgi ýaqytta aýylda sý deńgeıiniń tómendeýi baıqalady. Tikushaqpen sholý jasaǵan mamandar ózen arnasynda muz keptelisi joqtyǵyn aıtty. TJD mamandarynyń kúshimen sý basqan aýmaqtarda sorý jumystary uıymdastyryldy. Qaýiptiń beti qaıtty degenmen, quzyrly organdar monıtorıng júrgizip, kúsheıtilgen rejimde jumystaryn jalǵastyrady.
TJD bastyǵy Erlan Nurpeıisovtiń aıtýynsha, Marqakól qoryǵy jaqta qardyń bıiktigi 100-125 santımetr aralyǵynda. Al oblystyń ońtústik óńirlerinde qar múldem joq. Qar sýynyń qory Altaı, Glýbokoe, Katonqaraǵaı, Kókpekti aýdandarynda jáne Rıdder qalasynda normadan joǵary. Sınoptıkter boljaǵandaı, sáýirde oblys aýmaǵynyń basym bóliginde jańbyr jaýady.
Jalpy, oblys aýmaǵynda sý basý qaýpi bar-aý degen 108 eldi mekende 7 682 turǵyn úı ornalasqan. Sondaı-aq oblystyq TJ departamentiniń bastyǵy «Jol kartasy» baǵdarlamasy aıasynda qabyldanǵan sharalardyń nátıjesinde sý basý qaýpi bar eldi mekenderdiń azaıǵanyn tilge tıek etti.
– Jaǵdaı shıelenisken jaǵdaıda jeke quramnyń 1 524 adamy, 838 birlik tehnıka jáne 179 motopompa bar. Odan bólek jergilikti atqarýshy organdardyń kúshteri daıyn. TJD kúshteri men quraldarynyń toptamasy ázirlendi. TJD úshin 111 ýaqytsha ornalastyrý pýnkti daıyndaldy. Altaı, Glýbokoe, Shemonaıha, Katonqaraǵaı, Kókpekti jáne Borodýlıha aýdandarynda sý tasqyny jaǵdaıy bolǵan jaǵdaıda ózge óńirlerden kúshter men quraldardy aýystyrý shemasy ázirlendi, – dedi TJD bastyǵy Erlan Nurpeıisov.
Jýyqta sý tasqyny bolýy yqtımal óńirlerge monıtorıng júrgizý maqsatynda Altaı aýdanyna TJM 68303 áskerı bóliminiń 16 áskerı qyzmetshisi jáne 2 jol talǵamaıtyn tehnıkasy jiberildi. Mamandardyń sózine súıensek, dál qazirgi ýaqytta gıdrologııalyq jaǵdaı turaqty. О́zenderdegi jarylys jumystary 17 eldi mekendegi barlyq 22 ýchaskede aıaqtaldy. Úsh ret aerovızýaldy tekserý júrgizildi. Bul oraıda turǵyndar da arqany keńge salmaı, úı mańyndaǵy bulaqtardyń kózin ashyp, qoqystan tazartyp qoıǵandary jón desedi qutqarýshy mamandar.
Shyǵys Qazaqstan oblysy,
Borodýlıha aýdany
