«Áleýmettik jelilerdi birden buǵattaıdy degen aqparat jalǵan. Eger NQA saıtyn ashyp qarasa, balalardy kıberbýllıngten qorǵaý týraly zań Senattan ótkennen keıin qabyldanýy múmkin ekenin kórýge bolady. Olar Senattan óte me, joq pa belgisiz. Sebebi qazir qyzý talqylaýlar júrip jatyr. Biz estıtin memlekette turamyz, sondyqtan birinshi talqylaýǵa salamyz.
Zań qabyldanǵan kúnniń ózinde áleýmettik jeli ákimshilikteri biz usynǵan talaptardy oryndaǵysy kelmese ǵana shekteý týraly másele týyndaıdy», dedi mınıstr Úkimet aıasynda.
Onyń aıtýynsha, zań jobasynyń normalary qabyldansa, áleýmettik jeliler Qazaqstanda óz ókilin taǵaıyndaýy kerek.
«Negizi, áleýmettik jeliler ókil jiberse olarmen baılanysý ońaıyraq bolatyn edi. Balalardy qorlaıtyn kontent anyqtalsa birden habarlasyp sheshetindeı. Los-Andjeleske nemese Maıamıge suraý jiberip, ony aılap, jyldap kútip otyrmaıtyndaı», dedi mınıstr.
Aıana Toǵanbek
