Mınıstrdiń aıtýynsha, latyn grafıkasy negizindegi qazaq álipbıin zertteý jumystary jalǵasyp jatyr. Sońǵy nusqasy áli qabyldanǵan joq.
«Latyn grafıkasy boıynsha áli zertteý júrip jatyr. Ony aldyn ala osylaı bolady dep aıtý erte. Zertteýler aıaqtalǵannan keıin osy másele týraly naqty aıtamyz, halyqqa jarııalaımyz jáne talqylaýǵa salamyz. Sosyn tıisti sheshim qabyldaımyz. Bul ǵylym ǵoı. Biz olar qandaı nátıjege keletinin aıta almaımyz», dedi mınıstr.
Sondaı-aq Ashat Aımaǵambetov aldymen latyn grafıkasynyń sońǵy nusqasyn qabyldap alý qajet ekenin jetkizdi.
Aıta keteıik, buǵan deıin Bilim jáne ǵylym vıse-mınıstri Sholpan Karınova «Álippeniń» latyn grafıkasy negizinde týraly aıtqan edi. Al 2021 jyldyń basynda latyn álipbıiniń jańa jobasy tanystyrylǵan bolatyn.
Jetildirilgen álipbıde árip sany – 31, álipbı tek latyn álipbıi bazalyq júıesi tańbalarynan quralǵan.
Bul álipbıde qazaq tiliniń 28 dybysy tolyq qamtylǵan. Qazirgi á(ä), ó(ö), ú(ü), u(ū) jáne ǵ(ğ), sh(ş) qazaq áripteri dıakrıtıkalyq tańbalarmen berilgen. Álipbıde halyqaralyq tájirıbede qoldanysta bar ýmlıaýt ( ̈ ), makron ( ˉ ), sedıl ( ̧), brevıs ( ̌ ) dıakrıtıkalyq tańbalary qoldanylǵan.
Mamandardyń sózine qaraǵanda álipbı qazaq tiliniń jazý dástúrinde ornyqqan «bir dybys – bir árip» prınsıpine tolyq sáıkes keledi. Jańa álipbıge kezeń-kezeńimen kóshý 2023 jyldan bastap 2031 jyl aralyǵynda josparlanyp otyr.
Qazirgi kezde til saıasaty Bilim jáne ǵylym mınıstrligine berilgen. Buǵan deıin osy máselemen, sonyń ishinde latyn grafıkasymen Mádenıet jáne sport mınıstrligi aınalysqan.
