«Jol apattarynan kóbinese balalar aýyr jaraqat alady, onyń ishinde ómirge sáıkes kelmeıtin aýyr jaraqattar da bolady. Jol qozǵalysy erejelerin bilmegendikten, jol júrý bóliginde oınaıtyn, belgilenbegen jerlerde kóshelerden ótetin balalar zardap shegedi», dep túsindirdi QR IIM Ákimshilik polısııa komıtetiniń basshysy Atyǵaı Arystanov.
Qaıǵyly jaǵdaılar kámeletke tolmaǵandar joldy qulaqqappen kesip ótip, aınalaǵa qaramaǵan kezde de oryn alyp jatady.
«Jyl basynan beri 465 JKO oryn alyp, 33 bala kóz jumdy, 592 adam jaraqat aldy. Jaqynda Qyzylorda oblysynda qaıǵyly oqıǵa oryn aldy: eki jasar balany kólik qaǵyp ketken. Nur-Sultanda da osyndaı jaǵdaılar jıi kezdesedi. Oblystar boıynsha mundaı mysaldar kóp», dep qosty A. Arystanov.
Onyń aıtýynsha, jyl basynan beri 5 myńnan astam júrgizýshi mas kúıinde ustaldy. 15 táýlikke qamaýǵa alý jáne júrgizýshi kýáliginen aıyrý sııaqty qatań sanksııalarǵa qaramastan, mundaı buzýshylyqtardyń 7,5%-ǵa ósý úrdisi baıqalady.
