Rektor Marko del Izolmen jáne ýnıversıtettiń oqytýshylar quramymen kezdesý barysynda Qazaqstannyń jetekshi joǵary oqý oryndarymen yntymaqtastyq ornatý máseleleri, sondaı-aq qos dıplomdy bilim berýdi iske qosý perspektıvalary talqylandy.
Atap aıtqanda, Kassıno ýnıversıteti men Akademık E.A. Bóketov atyndaǵy Qaraǵandy ýnıversıtetiniń Zań fakýltetteri arasynda ózara is-qımyldy jolǵa qoıý týraly ýaǵdalastyqqa qol jetkizildi.
Rektor qazaqstandyq stýdentterdiń joǵary úlgerimin atap ótti. Ol sondaı-aq tehnıkalyq mamandyqtar boıynsha kadrlar daıarlaý sheńberinde basym baǵyttar boıynsha qazaqstandyq oqý oryndarymen yntymaqtastyqqa daıyn ekendigin bildirdi.
E.Sembaev bilim berý salasy Joǵary jáne orta bilim berýdi jańǵyrtý boıynsha basty basymdyqtardyń biri bolyp tabylatynyn atap ótti. Sonymen qatar elshi professor oqytýshylar quramy úshin, onyń ishinde ıtalıandyq jáne qazaqstandyq stýdentter úshin syrtqy saıası bastamalar men júrgizilip jatqan saıası jáne ekonomıkalyq reformalar týraly tanystyrý dárisin ótkizdi.
E.Sembaev Qazaqstannyń táýelsizdik jyldaryndaǵy jetistikteri týraly aıtyp, qatysýshylardy Prezıdent Qasym-Jomart Toqaevtyń «Jańa Qazaqstan: jańartý jáne jańǵyrtý joly» Joldaýynyń negizgi erejelerimen tanystyrdy.
Is-shara sońynda Qazaqstan elshisi ýnıversıtet kitaphanasyna Elbasy N.Nazarbaevtyń «Táýelsizdik dáýiri» jáne Abaıdyń «Qara sózderi» kitaptaryn syıǵa tartty.
Aıana Toǵanbek
