Reformalar arqyly eki qadam alǵa basady

Biz reformalardyń aýqymy keń ekenin jáne olardyń mem­lekettik basqarýdyń barlyq ba­ǵytyn qamtıtynyn kórip otyrmyz. Mundaı reformalardyń tolyqqandy josparyn jasaý ońaı sharýa emes, al sol refor­malardy túsiný prosesi odan da qıyn. Úkimettiń halyq al­dyndaǵy mindettemeleriniń jaýap­kershiligi zor bolǵan­dyq­tan, bılik qoǵamda qalyptasqan qarsylyq psıhologııasyn jeńý úshin qoldan kelgenniń bárin jasaýy kerek. Al halyq Prezı­dent bastamalaryn qoldaýy, shydamdylyq tanytýy tıis.

Búginde ekonomıkalyq damý men demokratııaǵa qol jetkizgen Koreıa Respýblıkasynyń qazirgi tarıhyna kóz júgirte otyryp, Úki­mettiń ýádelerin oryn­daý­dyń, sondaı-aq halyqtyń túsinýi men qatysýynyń mańyzdylyǵyn atap ótkim keledi.

Úkimet pen halyq reformalar josparyn iske asyrý prosesinde týyndaıtyn máse­lelerdiń oryndalýy kezinde shydamsyzdyq tanytpaıdy, kerisinshe uzaq merzimdi pers­pek­tıvaǵa úmit arta otyryp, bar­lyq qajetti is-sharalardy qabyl­daıdy dep úmittenemin. Sonda ǵana reformalardyń qozǵaýshy kúshi saqtalyp, múmkin bolatyn qurbandyq pen shyǵyn kólemi azaıady.

Qazaqstan halqy men Úki­metine qazir baǵanyń ósýi óz aýyrtpalyǵyn tıgizip otyr­ǵany anyq. Alaıda bul memle­ket­­tiń jetilýi kezinde júrip óte­tin joly, prosesi ekenin umytpaý kerek.

Koreıa Respýblıkasy da mun­daı ótkir máselelermen bet­pe-bet kezdesken. О́zekti pro­b­lemalardy eńsergen. Eli­miz tynymsyz atqarylǵan jumys­tar men reformalardyń arqa­syn­­da búgingi progreske qol jet­­kizdi. Qazaqstannyń da bar­lyq qıyndyqtardy jeńip shyǵa­ty­nyna bek senimdimin.

Qazaqstan koronavırýs inde­tiniń taralýyn tejep, belgili bir deńgeıde jeńiske jetkeni má­lim. Jahan jurtyn ábigerge sal­ǵan indetpen belsendi kúresken eldiń qazirgi saıası-áleýmettik máselelerdi de eńsere alatyny daýsyz.

Qazaqstan táýelsizdik alǵan­­nan keıin Ortalyq Azııa­daǵy eń iri damýshy el boldy. Bul Qazaqstan Úkimeti men halqy­nyń birliginiń, berekeli tirli­giniń belgisi dep bilemin. Bul joly Qazaqstan refor­malar men damýdyń qozǵaý­shy kú­shin alǵa eki qadam jasaý múmkin­digi retinde paıdalana alatyny­na ılanamyn. Qys­qasy, memleket­tiń júıeli ju­mys­tar arqyly tabysqa jete­ti­ni daýsyz.

Kım De SIK,

Koreıa Respýblıkasy Gýbernatorlary qaýymdastyǵy Halyqaralyq qatynastar departamentiniń bas dırektory