Jurt tilegi joǵaryǵa jetti

Kópshilik kútkendeı Jol­daýda jýyq arada júzege asyrylatyn saıası reformalardyń jańa baǵdarlamasy ortaǵa salyndy. Áleýmettik-ekonomıkalyq baǵytta atqarylatyn is-shara­lar kópshilik kókeıine uıalady. Bizdiń, qalamgerlerdiń, aqparat salasy qyzmetkerleriniń kóńi­lin alańdatyp otyrǵan bir másele – buqaralyq aqparat qural­­dary róliniń tómendeýi bolatyn. Bul baǵytta da aldymyzda oń ózgerister kútip tur. Joldaýda «Buqaralyq aqparat quraldary básekege qabiletti jáne erkin bolýy kerek. Bul qaǵıdat qa­zir kez kelgen órkenıetti el úshin aıryqsha mańyzdy», dedi Prezıdent. Memleket bas­shy­synyń sózinshe, otandyq BAQ qoǵamnyń suranysyna saı jumys istegeni jón. «Úkimettik emes sektor mańyzdy áleýmet­tik máselelerdi kóterýde jáne olardyń keshendi sheshilýine yqpal etýde. Reformalardy da­ıyndaý men iske asyrýǵa qoǵam­dyq uıymdar men belsendilerdi neǵurlym keńinen jáne tereń tartý qajet», deıdi ol.

Memleketimizdiń órkendeýi aımaqtardyń qýatty bolýyna tikeleı baılanysty. Bul týraly Prezıdent Qasym-Jomart Toqaev Qazaqstan halqyna Joldaýynda aıtty. Buǵan de­ıin biz, jetisýlyq ardagerler sa­pynda Qapshaǵaı qalasyna Dinmuhamed Qonaev esimin berý týraly usynys joldaǵan bolatynbyz. Kópshiliktiń usynysy qoldaý tabatynyn Prezıdent Joldaýynda atap kórsetti. Sondaı-aq Jetisý jáne Almaty oblystaryn, Ulytaý oblysyn, Semeı aımaǵynda Abaı oblysyn qurý kópshiliktiń jyldar boıy júzege aspaı kele jatqan armany bolatyn. Sondyqtan biz Jańa Qazaqstan qurý ıdeıasy aıasynda Memleket basshysynyń jurtshylyq tilegine qulaq as­qanyn kórip qýandyq.

Al saılaý nátıjesi qaı kezde de jurtshylyqty alańdatyp kelgeni belgili. Joldaýda atap kór­setilgen osy turǵydaǵy pikir Prezıdent ustanymyna seni­mimizdi nyǵaıta túsedi. «Halyq­aralyq tájirıbede saılaýdy uıymdastyrý júıesi udaıy óz­gerip otyratyny belgili, ıaǵnı ádil jáne ashyq saılaý ótkizý úshin tıimdi sheshim izdeýdiń ma­ńyzy zor», degen Memleket basshysy sońǵy jyldarda bul úderiske aqparattyq jáne tehnologııalyq faktorlarmen birge koronavırýs indeti de áser etip jatqanyn atap ótti. «Kóptegen el daýys berýdiń balamaly túrlerin paıdalanyp jatyr. Iаǵnı elektrondy, merzimnen buryn, qashyqtan, kópkúndik daýys berý tásilderi keńinen qoldanyla bastady. Sondyqtan álemdegi úzdik táji­rıbelerdi zerttep, qajet bolsa, ony birtindep engizgen jón», dedi Qasym-Jomart Toqaev.

Sonymen Joldaý kópshilik nazaryna usynyldy. Kópten kútken ózgerister kóńilimizdi ornyqtyrdy. Biz ulystyń Uly kúni qarsańynda osy Joldaýdan jyl kelgendeı jańalyq sezindik.

Jomart IGIMAN,

aqyn, Qazaqstan Jazýshylar odaǵynyń múshesi,

Sarqan aýdandyq máslıhatynyń depýtaty

Almaty oblysy