«Saryarqa» men «Nomad» arasyndaǵy besinshi matchtyń aldynda «kenshiler» komandasy serııada 3:2 esebimen alda turdy. Qaraǵandyda ótken besinshi kezdesýde «Nomad» 5:3 esebimen jeńiske jetip, serııadaǵy esep aıyrmasyn qysqartty. О́z muzaıdynynda ótetin mańyzdy, altynshy oıynnyń qarsańynda «kóshpendiler» qosymsha motıvasııaǵa ıe boldy. «Saryarqa» hokkeıshileri bir aıaǵymen fınalda turǵandyqtan, olar da bul oıynda aıanyp qalmaıtyny anyq edi.
Eki komanda úshin de mańyzdy ári sheshýshi match bolǵandyqtan, kezdesý «á» degennen tartysty bastaldy. Eki klýbtyń hokkeıshileri de esepti birinshi bolyp ashýǵa tyrysty. Birinshi kezeńniń 17-mınýtynda san basymdyǵyna ıe bolǵan «saryarqalyqtar» óz múmkindikterin múlt jibergen joq. Nıkıta Anahovskııden tamasha pas alǵan shabýylshy Sergeı Golodnıýk Nıkıta Boıarkın qorǵaǵan qaqpadan sańylaý taýyp, komandasyna basymdyq syılady. Úzilisten keıin qarqynyn odan ári kúsheıtken qonaqtar 21-mınýtta esepti 2:0-ge jetkizdi. Shaıba avtory – Denıs Fedorov. Al 38-mınýtta taǵy da san basymdyǵyna ıe bolǵan «Saryarqa» eseptegi basymdyǵyn úsh golǵa deıin jetkizdi. Bul joly Mıhaıl Rahmanov mergendigimen kózge tústi.
Chempıonattyń fınalyna beriletin joldama ýysynan shyǵyp bara jatqanyn ańǵarǵan «Nomad» oıynshylary bul kezeńde Andreı Shýtov qaqpasynyń aldynda biraz qaýipti shabýyl uıymdastyryp, gol soǵý úshin baryn salǵanymen, qaraǵandylyq hokkeıshiler múmkindik bermedi. Esesine kezdesýdiń aıaqtalýyna úsh mınýt qalǵanda Andreı Iаkovlev oıynnyń núktesin qoıyp, «Saryarqaǵa» jeńis syılady – 0:4. Osylaısha, alty oıynǵa sozylǵan jartylaı fınalda 4:2 esebimen jeńiske jetken «Saryarqa» el birinshiliginiń fınalyna shyqty.
Endi «Saryarqa» ekinshi jartylaı fınaldaǵy «Beıbarys» pen «Arlan» klýbtarynyń jeńimpazymen oınaıdy. Qazir eki klýb arasynda jalpy serııada tarazy basy teń – 3:3. Altynshy matchta «Beıbarys» 3:1 esebimen jeńiske jetip, tarazy basyn teńestirgen edi.
