«Túsi ıgiden túńilme» degendeı, Gúlnar Sádibekqyzy ımanjúzdi jan eken, izet kórsetip, oryndyq nusqady. Jumysymdy aıtqan soń, ile telefon tutqasyn kóterip, qaramaǵyndaǵy arhıvarıýs qyzǵa tapsyrma berdi. Osylaısha, myń bolǵyr Gúlnardyń qolymyzǵa kýálandyrylǵan arhıv qujattarynyń kóshirmelerin sátimen ustata qoıǵany. Sharýany áp-sátte bitirip bergen basshynyń iskerligi men izettiligine rıza bolyp, alǵysymyzdy aıtyp, jónimizge kettik.
Úlken qyzmettiń tizginin ustap otyrǵan basshynyń qarapaıym, kishipeıil bolǵanyna ne jetsin. Gúlnar Sádibekqyzy Shardarbekova osyndaı jan eken. Mamandyǵy tarıhshy, tyndyrymdy da ıbaly qaryndasymyzdyń ustazdyǵyna oraı, Shymkenttegi oqý oryndarynyń birinde stýdentterge bir mezgil dáris oqıtynyn da estip, bildik.
Qarttardy syılaı biletin izetti janǵa degen alǵysymyz sheksiz. Kósegesi kógerip, jamandyq kórmesin.
Káribaı ÁMZEULY,
zeınetker
Túrkistan oblysy
