Erkin kúres sheberleri saıysynyń jalpy esebinde Shyǵys Qazaqstan oblysynyń qurama komandasy kósh bastady. Jambyldyqtar ekinshi oryn alsa, Shymkent qalasynyń ókilderi úshinshi satyǵa taban tiredi. Jekelegen salmaqtarǵa keler bolsaq, 65 kılodaǵy Adlan Asqarovtyń asqan sheberligine tánti boldyq. Almaty oblysynyń asa daryndy balýany kezinde jasóspirimder men jastar arasyndaǵy álem birinshilikterinde júldegerler sanatynan kórinip, byltyr eresekterdiń Azııa chempıonatynda kúmis medaldi moınyna ildi. Bul jarysta Adlan aldyna jan salmady. Fınalda ol óskemendik Áset Baýyrjanovtan basym tústi. Asa aýyr salmaqta kúsh synasqan Bekzat Tájiniń de qarqyny kúshti boldy. Barlyq qarsylasynyń aıaǵyn kókten keltirgen Syr boıynyń saıypqyrany fınalda óziniń komandalyq áriptesi Dastan Saǵyndyqty san soqtyrdy.
О́zge salmaqtarda Muhamed Balǵabaı (57 kılo) men Shyńǵys Muhametqalıev (74 kılo), Asyljan Esengeldi (61 kılo) men Erkebulan Shynyqul (70 kılo), Dáýlet Ergesh (79 kılo) pen Iýnýs Gafýrov (97 kılo), Maqsat Satybaldy (86 kılo) men Rızabek Aıtmuhan (92 kılo) teńdessiz dep tanyldy.
