Mashaqatty eńbek marapaty

L.N.Gýmılev atyndaǵy Eýrazııa ulttyq ýnıversıtetin­de professor, «Eýrazııa» ǵylymı-zertteý ortalyǵynyń bas ǵylymı qyzmetkeri, Memlekettik syılyqtyń laýreaty, túrkolog-ǵalym, jazýshy Qoıshyǵara Salǵara­ulynyń mereıtoıyna oraı «Uly Dalanyń tarıhy: túrikter men mońǵoldar» atty dóńgelek ústel ótti. Dóńgelek ústel basyndaǵy áńgimege ǵylym, mádenıet, ádebıet salalary boıynsha tanymal tulǵalar, joǵary oqý oryndarynyń doktoranttary men magıs­trant­tary qatysty. Mereıtoılyq sharaǵa oraı­lastyrylǵan dóńgelek ústeldi L.N.Gýmılev atyndaǵy Eýrazııa ulttyq ýnıversıtetiniń rektory, tarıh ǵylymdarynyń doktory, professor Erlan Sydyqov ashyp, qalamgerdi quttyqtaı kele, el Prezıdentiniń quttyqtaý hatyn oqyp berdi. Onda «Qurmetti Qoıshyǵara Salǵarauly! 75-ke tolǵan mereı jasyńyz qutty bolsyn! Halqymyz ózińizdi belgili jýrnalıst jáne ultymyzdyń kóne tarıhyn zerttep, zerdelep, jıǵan-tergenin oqyrmanyna jetkizýge bar kúsh-jigerin jumsap kele jatqan qalamger retinde jaqsy biledi. Sizdiń shyǵarmalaryńyz tarıh ǵylymyn nasıhattaýǵa, ultymyzdyń ótkenin tanyp, salt-sanasyn qalyptastyryp, damytýǵa qosylǵan úles bolyp tabylady. Eńbegińiz elimizdiń Memlekettik syılyǵymen atap ótildi. Qazaqstannyń eńbek sińirgen qaıratkeri qurmetti ataǵyna ıe boldyńyz. Densaýlyǵyńyz zor, otbasyńyz aman-esen bolyp, eńbegińizdiń zeınetin uzaǵynan kóre berińiz!», – delingen. Odan soń E.Sydyqov qalam­gerge Eýrazııa ulttyq ýnıver­sı­tetiniń eń joǵary marapaty «Gýmılev» medalin tapsyrdy. «Siz qazaq tarıhyn zertteýge táýelsizdiktiń alǵashqy jyldarynda, eń bir qıyn-qystaý shaqtarda kiristińiz. Sol kezderde Qytaıdan qazaq tarıhyna qatysty kóptegen málimetterdi alyp kelgenińizdi jankeshtilik dep baǵalaýǵa bolady», dedi rektor. Is-shara barysynda mereıtoı ıesiniń osy ýaqytqa deıin jaryq kórgen kitaptarynyń kórmesi uıymdastyryldy. Taǵy bir atap óter nárse, aldaǵy ýaqytta qalamgerdiń mereıtoıyna oraı uıymdastyrylǵan dóńgelek ústelge kelip túsken jáne Q.Salǵaraulynyń eńbekterine baılanysty ǵylymı maqalalar jeke jınaq bolyp jaryq kóredi. Aıta keteıik, 90-shy jyldary «Sıýńný», «Dýńhý. Gaý­chy», «100 qujat», «Tanym tar­­maq­tary», «Anyqtamalyq» atty kitaptaryn jazǵan tusta ǵa­lym Qazaqstannyń QHR-daǵy elshiliginde mádenıet jónindegi keńesshi qyzmetin atqardy. Onyń qalamynan týǵan «Altyn tamyr», «Kómbe», «Qazaqtyń qıly tarıhy», «Qazaqtar» roman-essesi, «Qazaq qazaq bolǵanǵa deıin» jáne «Qazaq qazaq bolǵannan keıin» atty irgeli eńbekteri dúnıege kelgen. «Qazaqtar» trılogııasy úshin Memlekettik syılyqtyń laýreaty atanǵan. Taıaýda ǵana qarymdy qalamgerdiń «Myńǵul men mońǵol jáne úsh shyǵys» atty eńbeginde tyń tujyrymdardy alǵa tartady. «Egemen-aqparat».