SQO polısııa departamenti baspasóz qyzmetiniń málimetinshe, Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń buıryǵyna sáıkes Esil basseıni sý qoımalarynda balyqtyń jáne basqa da sý jándikteriniń ýyldyryq shashýyna, kóbeıýine baılanysty olardy aýlaýǵa tyıym salyndy.
15 sáýirden 15 mamyrdy qosa alǵanda shortan, aqqaıran jáne kókserkeni, 20 mamyr men 20 maýsym aralyǵynda sazandy, tuqy balyǵyn, 1 tamyzdan 14 qyrkúıekti qosa alǵanda gammarýsty, 1 naýryzdan 15 maýsymǵa deıin artemıı sıstalaryn, 1 maýsymnan 15 shildeni qosa alǵanda ózen shaıandaryn aýlaýǵa (aýlaý, jınaý, daıyndaý) tyıym salynady.
Sondaı-aq 20 sáýir men 20 maýsym aralyǵynda Aqmola oblysy jáne SQO aıasynda Esil, Nura, Sileti ózenderinde jáne olardyń barlyq salalary men qoımalarynda balyq aýlaýǵa bolmaıdy.
«Ýyldyryq shashý kezeńinde tabıǵatty qorǵaý polısııasy men basqa da múddeli vedomstvolardyń birlesken reıdtik is-sharalary kúsheıtiledi. Balyq aýlaýshylardy zańnama talaptaryn qatań saqtaýǵa shaqyramyz. Tyıym salynǵan merzimde balyq aýlaý erejelerin óreskel buzǵany úshin QR Ákimshilik quqyq buzýshylyq týraly kodeksiniń 383-babymen jeke tulǵalarǵa 20 AEK deıin, iri kásipkerlik sýbektilerine 250 AEK deıin aıyppul salynatynan eske salamyz», - deıdi SQO PD Jergilikti polısııa qyzmeti basqarmasynyń bastyǵy Aıdyn Baımatov.
Jalpy jyl basynan SQO-da QR Ákimshilik quqyq buzýshylyq týraly kodeksiniń 383-baby boıynsha 86 adam jaýapqa tartyldy.
