Basqosýdy alǵysózimen ashqan komıtet tóraǵasy Serikbaı Trumov qazirgi kezde Prezıdent alǵa qoıǵan mindetterdi júzege asyrý boıynsha jumystar júrgizilip jatqanyn jáne jaqyn arada bıýdjet zańnamasyna tıisti túzetýler usynylatynyn atap ótti.
Senator Nurlan Bekenov kezdesý barysynda blokqa bólinetin bıýdjettegi negizgi erekshelikter týraly aıtyp berdi. Ol mundaı tásildiń negizgi qaǵıdaty bıýrokratııany barynsha azaıtý, bıýdjettik baǵdarlamalar ákimshilerine qarajatty qaıta bólýde erkindik berý jáne uzaq merzimdi maqsattarǵa basa nazar aýdarý ekenin atap ótti. Bul júıe árbir mınıstrliktiń kóp jylǵy shyǵystar josparyn alýǵa negizdelýge tıis, ol boıynsha qarajat strategııalyq bastamalar arasynda ózdiginen qaıta bólinetin bolady. Iаǵnı júıe mınıstrlikter men mekemelerge bıýdjetti derbes basqarý quqyǵyn beretin bolady.
«Qazirgi ýaqytta bloktyq bıýdjettiń jekelegen bólshekteri ǵana engiziletin bolady. Ol úshin bıýdjettik baǵdarlamalardy aıtarlyqtaı irilendirý, sondaı-aq bıýdjetti bloktar boıynsha qalyptastyrý kerek. Sonymen qatar shyǵys lımıtiniń kólemin aıqyndaý, bıýdjetti qalyptastyrý jáne qarjyny basqarý tásilderin qaıta qaraý qajet», dedi senator N.Bekenov.
Kezdesýde Esep komıtetiniń ókilderi de óz usynystaryn bildirdi. Usynystardyń qatarynda tekserý komıssııalaryna astana, respýblıkalyq mańyzy bar qalalar, oblystar jáne qalalar bıýdjetteriniń jobalaryna aldyn ala baǵalaý jónindegi fýnksııa berý týraly da aıtyldy.
