Qazaqstan Respýblıkasy Úkimetiniń qaýlysy №54

2014 jylǵy 4 aqpan Astana, Úkimet Úıi «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý» memlekettik kórsetiletin qyzmet standartyn bekitý jáne Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý» memlekettik kórsetiletin qyzmet standarty bekitilsin. 2. Qazaqstan Respýblıkasy Úkimetiniń keıbir sheshimderine mynadaı ózgerister men tolyqtyrýlar engizilsin: 1) «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 naýryzdaǵy № 361 qaýlysynda (Qazaqstan Respýblıkasynyń PÚAJ-y, 2012 j., № 37, 508-qujat): kórsetilgen qaýlymen bekitilgen Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý qaǵıdalarynda: 5-tarmaq mynadaı redaksııada jazylsyn: «5. Qazaqstan Respýblıkasynan turaqty turǵylyqty jerge ketý ishki ister organdary shyǵýǵa arnalǵan qujattardy resimdegennen keıin júzege asyrylady.»; 7-tarmaqta: birinshi abzas mynadaı redaksııada jazylsyn: «7. Qazaqstan Respýblıkasynyń sheginen tys turaqty turǵylyqty jerge ketý úshin Qazaqstan Respýblıkasy azamattarynyń ózderi nemese olardyń zańdy ókilderi turǵylyqty jeri boıynsha ishki ister organdaryna mynadaı qujattardy usynady:»; mynadaı mazmundaǵy 7) tarmaqshamen tolyqtyrylsyn: «7) bıýdjetke memlekettik bajdyń tólengenin rastaıtyn qujattyń kóshirmesi. Ketý jóninde ótinish bildirgen adamnyń ótinishi boıynsha osy tarmaqtyń 3) jáne 6) tarmaqshalarynda kórsetilgen adamdarda Qazaqstan Respýblıkasynyń aýmaǵynda tirkeýdiń joq ekeni týraly aqparat «Jeke tulǵalar» memlekettik derekter qory málimetteriniń negizinde usynylady.»; 8-tarmaq mynadaı redaksııada jazylsyn: «8 О́tinish berýshiniń turaqty turǵylyqty jeri boıynsha ishki ister organdary Qazaqstan Respýblıkasynyń sheginen tys turaqty turǵylyqty jerge ketý týraly ótinish bildirgen azamattarda Qazaqstan Respýblıkasynyń sheginen tys ketýine bas tartý úshin negizderdiń joq ekendigine tekserý júrgizedi. Múddeli memlekettik organdar Qazaqstan Respýblıkasynyń sheginen tys turaqty turǵylyqty jerge ketý týraly ótinish bildirgen azamattarǵa qatysty ishki ister organdarynyń suraý salýlaryn memlekettik organdarǵa suraý salý túsken sátten bastap kúntizbelik on kún ishinde qaraıdy.»; 9-tarmaqtyń ekinshi bóligi mynadaı redaksııada jazylsyn: «Qazaqstan Respýblıkasynyń sheginen tys turaqty turǵylyqty jerge ketetin Qazaqstan Respýblıkasynyń azamattaryna olardyń jasyna qaramastan, Qazaqstan Respýblıkasy azamatynyń pasporty resimdeledi. Olardyń jeke kýálikteri Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdegen ishki ister organyna tapsyrylady.»; 10-tarmaqtyń toǵyzynshy bóligi mynadaı redaksııada jazylsyn: «Qazaqstan Respýblıkasynyń shet elderdegi mekemeleri qujattar qosa berilgen ótinishti Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý úshin ótinish berýshiniń Qazaqstan Respýblıkasyndaǵy sońǵy tirkelgen jeri boıynsha ýákiletti organǵa jiberedi. Ishki ister organy kelip túsken qujattardy qaraıdy jáne ótinish bergen sátte Qazaqstan Respýblıkasynyń aýmaǵynda ótinish berýshiniń turaqty tirkeýiniń bolýyna qaramastan, Qazaqstan Respýblıkasynyń sheginen tys turaqty turǵylyqty jerge ketýge ruqsatty resimdeý týraly sheshim qabyldaıdy.»; 2) «Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalaryn jáne Kóshi-qon baqylaýyn júzege asyrý, sondaı-aq Qazaqstan Respýblıkasynyń Memlekettik shekarasynan zańsyz ótetin, Qazaqstan Respýblıkasynyń aýmaǵynda zańsyz bolatyn sheteldikter men azamattyǵy joq adamdardy, sondaı-aq Qazaqstan Respýblıkasynyń aýmaǵyna kelýge tyıym salynǵan adamdardy esepke alý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysynda (Qazaqstan Respýblıkasynyń PÚAJ-y, 2012 j., № 29, 388-qujat): kórsetilgen qaýlymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynda: 14-tarmaq mynadaı redaksııada jazylsyn: «14. Bıznes-kóship kelýshiler Qazaqstan Respýblıkasynyń Zańynda belgilengen mindetterdi oryndamaǵan jaǵdaıda, ishki ister organdary jergilikti atqarýshy organdardyń ótinish haty negizinde bıznes-kóship kelýshilerdiń bolý merzimin qysqartý týraly sheshim qabyldaıdy.»; 3) «Ishki kóship-qonýshylardy tirkeý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1427 qaýlysynda (Qazaqstan Respýblıkasynyń PÚAJ-y, 2012 j., № 5, 93-qujat): kórsetilgen qaýlymen bekitilgen Ishki kóship-qonýshylardy tirkeý qaǵıdalarynda: 2-tarmaqtyń 2) tarmaqshasy mynadaı redaksııada jazylsyn: «2) ýákiletti organ (budan ári – ýákiletti organ) – ishki kóship-qonýshylardy turǵylyqty jeri boıynsha esepke alýdy jáne tirkeýdi júzege asyratyn memlekettik organ;». 3. Mynalardyń: 1) «Qazaqstan Respýblıkasynan tys jerlerge turaqty turýǵa shyǵý úshin qujattar resimdeý» memlekettik qyzmet standartyn bekitý týraly» Qazaqstan Respýblıkasy Úkimetiniń 2011 jylǵy 28 aqpandaǵy № 199 qaýlysynyń (Qazaqstan Respýblıkasynyń PÚAJ-y, 2011 j., № 22, 278-qujat); 2) «Qazaqstan Respýblıkasynan tys jerlerge turaqty turýǵa shyǵý úshin qujattar resimdeý» memlekettik qyzmet standartyn bekitý týraly» Qazaqstan Respýblıkasy Úkimetiniń 2011 jylǵy 28 aqpandaǵy № 199 qaýlysyna ózgerister men tolyqtyrýlar engizý týraly Qazaqstan Respýblıkasy Úkimetiniń 2013 jylǵy 21 qańtardaǵy № 21 qaýlysynyń (Qazaqstan Respýblıkasynyń PÚAJ-y, 2013 j., № 1, 207-qujat) kúshi joıyldy dep tanylsyn 4. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri      S. AHMETOV. Qazaqstan Respýblıkasy Úkimetiniń 2014 jylǵy 4 aqpandaǵy №54 qaýlysymen bekitilgen «Qazaqstan Respýblıkasynyń sheginen tys turaqty turǵylyqty  jerge ketýge arnalǵan qujattardy resimdeý» memlekettik kórsetiletin qyzmet  standarty 1. Jalpy erejeler 1. «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý» memlekettik kórsetiletin qyzmeti (budan ári – memlekettik kórsetiletin qyzmet). 2. Memlekettik kórsetiletin qyzmet standartyn Qazaqstan Respýblıkasy Ishki ister mınıstrligi (budan ári – Mınıstrlik) ázirledi. 3. Memlekettik kórsetiletin qyzmetti Mınıstrliktiń aýmaqtyq kóshi-qon polısııasynyń bólimsheleri (budan ári – kórsetiletin qyzmetti berýshi) kórsetiletin qyzmetti alýshynyń turǵylyqty jeri boıynsha kórsetedi. 2. Memlekettik qyzmet kórsetý tártibi 4. Memlekettik qyzmet kórsetý merzimderi: 1) kórsetiletin qyzmetti berýshige qujattardyń toptamasyn tapsyrǵan sátten bastap – kúntizbelik 30 (otyz) kún; 2) qujattardyń toptamasyn tapsyrý úshin ruqsat etiletin eń uzaq kútý ýaqyty – 30 (otyz) mınýt; 3) ruqsat etiletin eń uzaq qyzmet kórsetý ýaqyty – 10 (on) mınýt. 5. Kórsetiletin memlekettik qyzmettiń nysany – qaǵaz túrinde. 6. Memlekettik kórsetiletin qyzmet nátıjesi – kórsetiletin qyzmetti alýshy pasportynyń vızalar úshin kózdelgen betterinde belgilengen úlgidegi mórtaban qoıý, ol vızalyq mórmen jáne Mınıstrliktiń Ishki ister departamenti Kóshi-qon polısııasy basqarmasy bastyǵynyń qol qoıýymen bekitiledi. 7. Memlekettik qyzmet aqyly kórsetiledi. Memlekettik qyzmet kórsetilgeni úshin memlekettik baj alynady, ol «Salyq jáne bıýdjetke tólenetin basqa da mindetti tólemder týraly» (Salyq kodeksi) 2008 jylǵy 10 jeltoqsandaǵy Qazaqstan Respýblıkasy Kodeksiniń 538-babyna sáıkes memlekettik baj tóleý kúnine belgilengen aılyq eseptik kórsetkish mólsherinen 100 paıyzdy quraıdy. Memlekettik baj Qazaqstan Respýblıkasynyń bank mekemeleri arqyly tólenedi, olar tólemniń mólsheri men kúnin rastaıtyn qujat (túbirtek) beredi. 8. Kórsetiletin qyzmetti berýshiniń jumys kestesi – dúısenbiden bastap senbini qosa alǵanda (dúısenbi – juma, saǵat 13-00-den 14-30-ǵa deıin túski úzilispen saǵat 9-00-den 18-00-ge deıin, senbi saǵat 9-00-den 13-00-ge deıin), demalys – Qazaqstan Respýblıkasynyń eńbek zańnamasyna sáıkes jeksenbi jáne mereke kúnderi. Memlekettik kórsetiletin qyzmet aldyn ala jazylýsyz jáne jedeldetip qyzmet kórsetýsiz kezek tártibimen kórsetiledi. 9. Kórsetiletin qyzmetti alýshy (balalar jáne sot áreketke qabiletsiz dep tanyǵan azamattar, olardyń zańdy ókilderi (ata-anasy, qamqorshylary, qorǵanshylary úshin) jeke ótinish bildirgen kezde memlekettik qyzmet kórsetý úshin qajetti qujattar tizbesi: 1) ótinish-saýalnama; 2) kórsetiletin qyzmetti alýshynyń jeke kýáligi, pasporty, on alty jasqa tolmaǵan balalardyń týý týraly kýáligi; 3) ketetin adamdardan zań boıynsha alımentter alýǵa quqyǵy bar Qazaqstan Respýblıkasynda turatyn adamdardan (ata-anasy jáne eger birlesken nekeden kámeletke tolmaǵan balalary bolsa, burynǵy jubaılary) olardyń shyǵýyna qarsylyǵy joq ekeni týraly notarıat kýálandyrǵan ótinish. Kórsetiletin qyzmetti alýshy qandaı da bir sebeptermen mundaı ótinishterdi ala almaǵan jaǵdaılarda másele sot tártibimen sheshiledi; 4) áskerı esepten shyǵarylǵany jáne áskerı bıletin tapsyrǵany týraly anyqtama; 5) on jasqa tolǵan balanyń ata-anasymen ne ózge de zańdy ókilderimen ketýi týraly sheshim qabyldaý kezinde onyń pikirin esepke alý týraly qamqorshylyq jáne qorǵanshylyq organdarynyń qorytyndysy; 6) on segiz jasqa tolmaǵan Qazaqstan Respýblıkasy azamattarynyń ata-anasynyń (qamqorshysynyń, qorǵanshysynyń) birimen turaqty turǵylyqty jerge birge shyǵýy kezinde – Qazaqstan Respýblıkasynyń aýmaǵynda turatyn ekinshi ata-anasynyń notarıat kýálandyrǵan kelisimi. Ata-anasynyń biriniń kelisimi bolmaǵan kezde kámeletke tolmaǵan balanyń shyǵýy sot tártibimen sheshilýi múmkin; 7) bıýdjetke memlekettik baj tólegenin rastaıtyn qujattyń kóshirmesi. Kórsetiletin qyzmetti alýshynyń ótinishi boıynsha osy tarmaqtyń 3) jáne 6) tarmaqshalarynda kórsetilgen adamdardyń Qazaqstan Respýblıkasynyń aýmaǵynda tirkeýi joq ekeni týraly aqparatty «Jeke tulǵalar» memlekettik derekter qorynyń málimetteri negizinde kórsetiletin qyzmetti berýshi usynady. Barlyq qujattar qabyldanǵannan keıin kórsetiletin qyzmetti alýshyǵa osy memlekettik kórsetiletin qyzmet standartynyń qosymshaǵa sáıkes nysan boıynsha kórsetiletin qyzmetti alýshydan qujattardy qabyldaý týraly qolhat beriledi. Bul rette olardyń jeke tulǵalary kýálandyrylǵannan keıin kórsetiletin qyzmetti alýshynyń jeke kýáligi, pasporty, on alty jasqa tolmaǵan balalardyń týý týraly kýálikteri qaıtarylady. Memlekettik kórsetiletin qyzmettiń nátıjesin alý úshin keletin kúni kórsetiletin qyzmetti alýshyǵa ótinish-saýalnamada kórsetilgen baılanys telefondary arqyly habarlanady. 10. Eger: 1) memlekettik jáne zańmen qorǵalatyn ózge de qupııany quraıtyn málimetterdi bilse jáne óziniń Qazaqstan Respýblıkasynan tys jerlerge shyǵý faktisi týraly tıisti ýákiletti organdarǵa habarlamasa – osy mán-jaılardyń qoldanylýy toqtatylǵanǵa deıin; 2) qylmys jasaǵan degen kúdikpen ustalsa ne aıyptalýshy retinde jaýapqa tartylsa – is boıynsha sheshim shyǵarylǵanǵa nemese sot úkimi zańdy kúshine engenge deıin; 3) qylmys jasaǵany úshin sottalsa – jazasyn ótegenge nemese jazadan bosatylǵanǵa deıin; 4) ózine sot júktegen mindetterdi oryndaýdan jaltarsa – osy mindettemeler toqtatylǵanǵa deıin; 5) merzimdi áskerı qyzmetin ótkerip jatsa – osy qyzmetti ótkerý aıaqtalǵanǵa deıin nemese «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańyna sáıkes odan bosatylǵanǵa deıin; 6) Qazaqstan Respýblıkasynan shyǵý úshin qujattardy resimdeý kezinde ózi týraly kórineý jalǵan málimetter habarlasa – bas tartý úshin negiz bolǵan sebepterdi joıǵanǵa jáne shynaıy málimetter usynǵanǵa deıin; 7) azamattyq sot isin júrgizýde jaýapker bolyp tabylsa – sot sheshimi zańdy kúshine engenge deıin; 8) salyqtyq bereshegi bolsa, oǵan memlekettik qyzmetti kórsetýden bas tartý úshin negizder bolyp tabylady. 3. Memlekettik qyzmet kórsetý máseleleri boıynsha kórsetiletin qyzmetti berýshiniń sheshimderine, áreketterine (áreketsizdigine) shaǵymdaný tártibi 11. Kórsetiletin qyzmetti berýshiniń sheshimderine, áreketterine (áreketsizdigine) shaǵymdanǵan jaǵdaıda, shaǵym memlekettik kórsetiletin qyzmet standartynyń 14-tarmaǵynda kórsetilgen mekenjaı boıynsha kórsetiletin qyzmetti berýshi basshysynyń atyna ne myna mekenjaı boıynsha Mınıstrlik basshysynyń atyna beriledi 010000, Astana qalasy, Táýelsizdik dańǵyly 1, telefon: 8 (7172) 71-40-33, 71-40-03. Shaǵym poshta arqyly jazbasha nysanda nemese Qazaqstan Respýblıkasynyń zańnamasynda kózdelgen jaǵdaılarda elektrondyq túrde ne kórsetiletin qyzmetti berýshiniń nemese Mınıstrliktiń keńsesi arqyly jumys kúnderi qolma qol beriledi. Qabyldanǵan shaǵym ishki ister organdarynyń jeke jáne zańdy tulǵalardyń shaǵymdary men ótinishterin esepke alý jýrnalynda tirkeledi. Shaǵymnyń qabyldanǵanyn rastaıtyn qujat kúni men ýaqyty, ótinishti/shaǵymdy qabyldaǵan adamnyń tegi jáne aty-jóni, sondaı-aq berilgen shaǵymǵa jaýap alý merzimi men orny jáne shaǵymdy qaraý barysy týraly bilýge bolatyn laýazymdy adamdardyń baılanys derekteri kórsetilgen talon bolyp tabylady. Kórsetiletin qyzmetti alýshynyń shaǵymynda: jeke tulǵa – onyń tegi, aty, ákesiniń aty, poshtalyq mekenjaıy; zańdy tulǵa – onyń ataýy, poshtalyq mekenjaıy, shyǵys nómiri jáne kúni kórsetiledi. О́tinishke kórsetiletin qyzmetti alýshy qol qoıýǵa tıis. Kórsetiletin qyzmetti berýshiniń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap bes jumys kúni ishinde qaralýǵa jatady. Shaǵymdy qaraý nátıjeleri týraly dáleldi jaýap kórsetiletin qyzmetti alýshyǵa poshta boıynsha joldanady ne kórsetiletin qyzmetti berýshiniń keńsesinde qolma qol beriledi. Kórsetilgen memleket qyzmettiń nátıjelerimen kelispegen jaǵdaıda kórsetiletin qyzmetti alýshy memlekettik kórsetiletin qyzmetterdiń sapasyn baǵalaý jáne baqylaý jónindegi ýákiletti organǵa shaǵymmen júgine alady. Memlekettik kórsetiletin qyzmettiń sapasyn baǵalaý jáne baqylaý jónindegi ýákiletti organnyń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap on bes jumys kúni ishinde qaralady. 12. Kórsetilgen memlekettik qyzmettiń nátıjelerimen kelispegen jaǵdaılarda, kórsetiletin qyzmetti alýshynyń Qazaqstan Respýblıkasynyń zańnamasynda belgilengen tártippen sotqa júginýge quqyǵy bar. 4. Memlekettik qyzmetti kórsetýdiń erekshelikteri eskerilgen ózge de talaptar 13. Densaýlyq jaǵdaıyna baılanysty kórsetiletin qyzmetti berýshige jeke ózi kelýine múmkindigi joq kórsetiletin qyzmetti alýshylardan memlekettik qyzmet kórsetý úshin qajetti qujattardy qabyldaý jáne Qazaqstan Respýblıkasynyń sheginen tys turaqty turǵylyqty jerge shyǵý úshin qujattar berý kórsetiletin qyzmetti alýshynyń turǵylyqty jerine baryp júrgiziledi. 14. Memlekettik qyzmet kórsetý oryndarynyń mekenjaılary Mınıstrliktiń mvd.gov.kz ınternet-resýrsynda ornalastyrylady. 15. Kórsetiletin qyzmetti alýshynyń memlekettik qyzmet kórsetý tártibi men mártebesi týraly aqparatty memlekettik qyzmet kórsetý máseleleri boıynsha biryńǵaı baılanys-ortalyǵy arqyly qashyqtyqtan qoljetimdilik rejıminde alýǵa múmkindigi bar. 16. Memlekettik qyzmet kórsetý tártibi týraly aqparatty Biryńǵaı baılanys ortalyǵynyń 1414 telefony boıynsha, Mınıstrliktiń mvd.gov.kz ınternet-resýrsynda kórsetilgen kórsetiletin qyzmetti berýshilerdiń telefondary boıynsha ne Mınıstrliktiń 8 (7172) 71-56-08, 71-44-98 telefondary boıynsha alýǵa bolady. «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý» memlekettik kórsetiletin qyzmet standartyna  qosymsha Kórsetiletin qyzmetti alýshydan qujattardy qabyldaý týraly qolhat Osy qolhat ____________________________________ (T.A.Á. kórsetilsin) berildi jáne «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý» memlekettik kórsetiletin qyzmet standartymen bekitilgen tizbege sáıkes Qazaqstan Respýblıkasynyń sheginen tys turaqty turǵylyqty jerge ketýge arnalǵan ruqsatty resimdeý úshin qujattardyń qabyldanǵanyn rastaıdy. Osy qolhat ár tarap úshin bir-birden 2 danada jasaldy. Oryndaýshy: T.A.Á. _____________________ Telefony___________________ Aldym: T.A.Á. _______________ kórsetiletin qyzmet alýshynyń qoly 20 ___ jylǵy «_____»__________