Saıası reforma degenimiz – eń birinshi elimizdegi saıası prosesterdi jańartý jáne jańǵyrtý degen sóz. Saıası prosesterdi jańartý ol bizdiń árqaısymyzdyń sanamyzǵa baılanysty. Sondyqtan búgingi tańdaǵy eń basty másele halyq pen qoǵamnyń, bılik pen halyqtyń arasynda dıalog qura otyryp, azamattarymyzdyń árqaısysynyń saıası áleýetin arttyra otyryp saıası mádenıetti qalyptastyrý bolyp tabylady. 30 jyldyń ishinde, ókinishke qaraı, táýelsiz memleket quramyz dep, ózimizdiń halqymyzdan óziniń bıligin tartyp aldyq. Belgili bir sheshimder qabyldanatyn bolsa, onyń barlyǵy halyqpen kelisilmeıtin boldy. 30 jyldyń ishinde ekonomıkamyzdy reformalaımyz dep ekonomıkalyq kóptegen aktıvter shetelge ketip qaldy. Saıası reformalardyń saıası aspektisi búgingi tańda – áleýmettik ádilettilik. Iаǵnı halyqqa óziniń bıligin qaıtaryp berý kerek. Prezıdenttiń Joldaýda aıtyp otyrǵany – eger azamattar partııa quramyz deıtin bolsa, oǵan quqyly jáne partııa qurýǵa eshkim qarsylyq kórsetpeýi kerek. Bul – birinshi. Ekinshi, aımaqtarda saıası partııaǵa kirmeıtin, biraq saıası prosesterge aralasqysy keletin azamattar bar. Mine, osy azamattarǵa saıasatqa aralasýǵa quqyq berý kerek.
Erlan SAIYROV,
Májilis depýtaty
