«Saqaldy» qurylystyń bylyǵy kóp

Qurylysy aıaqsyz qalǵan jobalar Ekibastuz jáne Aqsý qala­l­­arynda da az emes. Qańyrap bos turǵan ǵımarattardyń kóbi – ká­sip­kerlik nysandary. Qojaıyn­dar­dyń árqaısysymen túsindirý jumystary júrgizilip, jobany aıaqtaý úshin tıimdi tetikter usy­ny­lýda. Nysan ıeleriniń keıbiri ǵımaratty buzyp, qurylys ma­terıa­lyn satýǵa kóshken. Al biri ınvestor izdeýde. Eskertýge qu­laq aspaǵandarmen áńgime bólek. Máselen, byltyr Ekibastuz qala­sy­nyń ákimdigi únsiz jatqan ǵımarat ıelerin sotqa bergen-di. Osylaısha, oblys basshylyǵynyń bastamasy boıynsha respýblıkalyq deń­geı­de qoldanystaǵy abattandyrý erejelerine túzetýler engizý máselesi qarastyrylýda. Mamandar qurylysy uzaqqa sozylǵan nysan­nyń ıesin aýmaqty qorshaý, onyń sáýlettik beınesin qalpyna keltirý jáne bógde adamdardyń kirýine ty­ıym salýdy zańnamalyq turǵydan mindetteýdi usynyp otyr. Bul óz kezeginde memlekettik organdarǵa jaǵdaıdy baqylaýda ustap, tıisti sharalardy qabyldaýǵa múmkindik berýge tıis.

Ákimdiktegilerdiń qatań shara­sy­nyń áseri me, álde qaltasy qa­ra­jat­qa toldy ma, áıteýir kún jy­lynǵannan beri kásipkerler qury­lys jumystaryn aıaqtaýǵa kiristi. Oǵan qýanýymyz beker eken. Keıbir qurylys nysandary jalpyǵa ortaq jerde salynyp, turǵyndardyń ashýyn týǵyzýda. Sóıtsek, ınjenerlik-kommýnıkasııalyq jeliler ótetin ýchaskeler áldeqashan jekeniń qo­­lyna ótip ketken. «Saqaldy» qu­ry­lys bolǵandyqtan kezinde ruq­sat qaǵazyn úlestirgen shendilerdi tabý qıyn shyǵar. Bul jerde sybaılas jemqorlyqtyń ısi shyǵatyny aıtpasa da túsinikti.

Jaqynda áleýmettik jelilerde turǵyndar dabyl qaǵyp, M.Gor­kıı, 27/1 jáne Sátbaev, 245/1 me­ken­jaılary boıynsha salynyp jatqan turǵyn úı qurylysynyń qan­shalyqty zańdy ekenin quzyrly organdardan talap etti.  Alańdaýǵa negiz bar. Sebebi qurylys ju­mys­tary sý jáne káriz júıeleri ótetin ýchaskede jalǵasýda. Belgili bol­ǵandaı, jer ýchaskesi áý basta avtoturaq retinde satyp alynypty. Keıin jerdi paıdalaný maqsaty «Turǵyn úı qurylysyn júr­gizý» retinde ózgertilgen. Ol aýmaqta dıametri 150 mm bolatyn sharýashylyq sý qubyrlary men dıametrleri 300 mm jáne 700 mm káriz kollektorlary ornalasqan. Kollektor Sátbaev-Máshhúr Júsip, M.Gorkıı-Shókın kósheleriniń aýmaǵyndaǵy kóp­qabatty úılerge, áleýmettik nysandarǵa, balabaqshalar men mektepterge qyzmet kórsetedi. Atalǵan aýdandaǵy jalǵyz júıe ekenin de atap ótken jón. Sondyqtan onyń ústinen úı turǵyzý durys emes dep esepteıdi turǵyndar. Ekinshi tarap óz kezeginde tıisti qujattardy kórsetip, eshqandaı zańbuzýshylyq joq ekenin alǵa tartýda. Bul iske «Pavlodar-Vodokanal» JShS basshysy Anatolıı Moıseı aralasyp, mán-jaıdy túsindirip berdi.

– «Pavlodar-Vodokanal» JShS eki kópqabatty úıdiń qurylysyn emes, sýmen qamtý jáne sýdy bólý jeli­­leriniń ornalasqan jerin aýys­­tyrýdy ǵana maquldady. Al sý jelilerine qosylý úshin tehnı­ka­lyq shart berýge qatysty ótinish keri qaıtaryldy. Sonymen qatar jekemenshik kompanııanyń qurylys júrgizýge ruqsat beretin qujattary joq. Jerdi paıdalaný maqsatyn ınjenerlik jelilerge qyzmet kór­se­tetin kásiporyndarmen kelis­peı ózgertýi de zańǵy qaıshy áreket. Sondyqtan «Pavlodar-Vodokanal» seriktestigi úılerdiń qurylysyn zańsyz dep taný jóninde sotqa aryz berdi. 4 sáýir kúni Pavlodar qa­lalyq soty atalǵan aýmaqtarda qan­daı da bir qurylys-montajdaý ju­mystaryn júrgizýge tyıym saldy, – dep málimdedi kompanııa basshylyǵy.

Turǵyndar bas kótergen soń turǵyn úı qurylysy toqtady. Al­da­ǵy ýaqytta mundaı keleńsizdikter jıi kezdesetinin sezip otyrmyz. «Saqaldy» qurylysqa aınalǵan nysandardyń shıkiligi kóp. Bul sharýamen ANTIKOR aınalyssa, biraz bylyqtyń ashylary sózsiz.

PAVLODAR