Júrgizilgen monıtorıngtiń oń áserin eskere otyryp, bul baǵyttaǵy jumys bıyl da jalǵasyn taýyp 1 toqsandaǵy jaǵdaı boıynsha bıýdjet qarajatyn únemdeý 481,7 mln teńgege jetken.
Memlekettik organdar men uıymdardyń memlekettik satyp alý josparynyń monıtorıngi 7 konkýrs boıynsha shekti baǵalardyń kóterilýin belgileýge múmkindik berdi.
Satyp alynatyn taýarlar sany men baǵany kótermelep kórsetý faktileri elordanyń bilim berý oryndarynyń memlekettik satyp alý josparlarynda jıi anyqtalyp jatady. Mysaly, 737 oqýshy bilim alatyn Nur-Sultan qalasyndaǵy mektepterdiń birinde 20 mln teńgeden astam qarjyǵa 4 tonna shaı, 1,5 tonna ıtmuryn jáne 1,3 tonna lımon satyp alý josparlanǵan bolatyn. Sybaılas jemqorlyqqa qarsy qyzmettiń usynymdary boıynsha satyp alynatyn taýarlardyń josparlanǵan kólemi qaıta qaralyp, kólemi biraz qysqartyldy. Al únemdeý 99 paıyzdy qurady.
Taǵy bir fakti boıynsha elordadaǵy bilim ordalarynyń birine jalpy somasy 11,2 mln teńgege baǵalanǵan 250 esik tospasyn satyp alý josparlanǵan. Qalalyq bilim basqarmasynyń mektepke deıingi uıymy men Nur-Sultan qalasy sybaılas jemqorlyqqa qarsy qyzmettiń usynymdaryn qaraý kezinde bul qarjy kólemi birshama qysqartylǵan. Sonyń nátıjesinde, memlekettik bıýdjetti únemdeý 10 mln teńgeni qurady.
