Nóser jańbyr Ońtústik Afrıkanyń shyǵysyndaǵy Dýrban qalasynda sý tasqynyn týdyrdy. Osyǵan baılanysty eldiń negizgi porty qırap, Kvazýlý-Natal jaǵalaýyndaǵy provınsııadaǵy joldar da apatqa ushyraǵan. El bıligi eshqandaı shara qoldana almaı otyr.
Iz-túzsiz joǵalǵandardy izdeý áli jalǵasyp jatyr. Turǵyndar úılerin tastap ketýge májbúr bolǵan.
Ońtústik Afrıka respýblıkasynyń prezıdenti Sırıl Ramafosa Dýrban qalasyndaǵy sý tasqyny men kóshkinnen zardap shekken eldi mekenderge baryp, jaǵdaıdy kórdi. Kvazýlý-Natal provınsııasy apat aımaǵy dep jarııalandy.
Bılik zardap shekken birneshe adamǵa ýaqytsha baspana berdi.
Aıana Toǵanbek
