«Astanalyq tutynýshylar ótinishi negizinde QR UEM Tabıǵı monopolııalardy retteý komıteti Nur-Sultan qalasy boıynsha aýmaqtyq departamentpen birigip «Astanaenergosbyt» JShS-na qatysty elektrmen jabdyqtaý qyzmetteri úshin tólemge kóterińki shottar qoıýdyń negizdiligi turǵysynan jospardan tys tekserý ótkizdi», delingen habarlamada.
Qazaqstan Respýblıkasynyń Kásipkerlik kodeksine saı «Astanaenergosbyt» JShS baǵalardy memlekettik retteý, onyń ishinde baǵa belgileý tártibin saqtaý jónindegi mindet qoldanylatyn qoǵamdyq mańyzy bar naryqtyń sýbektisi sanalady.
«Astanaenergosbyt» JShS áreketterin tekserý qorytyndylary boıynsha elektr energııasyn tutyný kólemine baılanysty tarıfterdi saralaý kezinde tólem somalaryn esepteý tártibin buzý anyqtaldy, bul tutynýshylarǵa tólemge qoıylǵan negizsiz joǵary somalarǵa alyp keldi. Tekserý barysynda júgingen 56 tutynýshynyń 32-sine 129 myń teńge mólsherinde negizsiz soma qoıylǵany anyqtaldy. Mysaly tutynýshylardyń biri boıynsha tórt aıda artyq tólemniń jalpy somasy 17 myń teńge bolǵan (Nur-Sultan qalasynyń tutynýshylardyń kVt/saǵ úshin 4,5 myń teńge mólsherinde aı saıynǵy ortasha tólem kezinde)», delingen habarlamada.
