Qoǵam • 15 Sáýir, 2022

Qandaı mobıldi aýdarymdar tabys retinde sanalady?

514 ret

kórsetildi

2 mın

oqý úshin

Búginnen bastap Qarjy mınıstrliginiń Memlekettik kirister komıteti jeke tulǵalardyń bank shottarynyń arasyndaǵy mobıldi aqsha aýdarymdaryna monıtorıng júrgizedi, dep habarlaıdy Egemen.kz.

Arman MANARBEKULY

Qandaı mobıldi aýdarymdar tabys retinde sanalady?

Qujatqa sáıkes, bir jeke tulǵanyń kásipkerlik qyzmetke arnalmaǵan bank shotyna qatarynan kúntizbelik úsh aı ishinde 100 jáne odan da kóp ártúrli tulǵadan aqsha tússe, onda bul operasııalar kásipkerlik qyzmetten kiris alý belgileri bar operasııalar qataryna jatqyzylady.

Salyq kodeksi aıasynda bankter kezeń-kezeńmen memlekettik kirister organdaryna qazaqstandyqtardyń tabysy týraly aqparat beredi. Bul prosess jalpyǵa birdeı deklarasııalaýǵa kóshý josparymen qatar júrgiziledi:

1-shi kezeńde (2022 jylǵy 1 qańtardan 2023 jylǵy 1 qańtarǵa deıin) –memlekettik qyzmetkerler men olarǵa teńestirilgender jáne olardyń jubaıy boıynsha;

2-shi kezeń (2023 jylǵy 1 qańtardan 2024 jylǵy 1 qańtarǵa deıin) – bıýdjettik mekemelerdiń qyzmetkerleri jáne olardyń jubaıy, kvazımemlekettik sektor sýbektileriniń qyzmetkerleri jáne olardyń jubaıy;

3-shi kezeńde (2024 jylǵy 1 qańtardan 2025 jylǵy 1 qańtarǵa deıin) – zańdy tulǵalardyń basshylary, quryltaıshylary jáne olardyń jubaıy, jeke kásipkerler (IP) jáne olardyń jubaıy;

4-shi kezeńde (2025 jylǵy 1 qańtardan bastap) – halyqtyń qalǵan sanaty boıynsha aqparat beriledi.

«2023 jyly ekinshi deńgeıli bankter men bank operasııalarynyń jekelegen túrlerin júzege asyratyn uıymdar 1-kezeńniń tulǵalary boıynsha málimet berýdi josparlap otyr», dep naqtylady memlekettik kirister komıtetiniń baspasóz qyzmeti.

Atalǵan buıryqtyń jeke tulǵalar men adal salyq tóleýshilerdiń jeke aýdarymdaryna esh qatysy joq. Qarapaıym qazaqstandyqtardyń kásipkerlik qyzmet belgileri bar mobıldi aýdarymdary boıynsha málimet almasý tek 2025 jyldan bastap engiziledi.