YNTYMAQTASTYQTYŃ JARQYN QYRLARY

Almatyda Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynda “Germanııanyń Qazaqstan men Ortalyq Azııadaǵy saıası jáne ekonomıkalyq múddeleri” atty halyqaralyq ǵylymı-tájirıbelik konferensııa bolyp ótti. Sóz reti kelgende atap aıtarlyǵy, halyqaralyq konferensııa Germanııanyń Qazaq­standaǵy jyly aıasynda uıymdastyryldy. Onyń jumysyna Syrtqy ister mınıstrligi Eýropa departamentiniń dırektory Ádil Tursynov, GFR-dyń Qazaqstandaǵy Tótenshe jáne ókiletti elshisi Raıner Shlageter, halyqaralyq uıymdar ókilderi, ǵalymdar men dıplomattar qatysty. Kópshilikke belgili, ótken jyl­dyń aqpan aıynda Germanııa­ǵa resmı sapary kezinde Memleket basshysy Nursultan Nazarbaev máshıne jasaý, aýyl sharýa­shy­lyǵy, taǵam óndirisi salalaryn­da­ǵy yntymaqtastyqty odan ári jetildirý jáne keńeıtý qajettigi týraly atap aıtqan bolatyn. Qazaqstan ekonomıkasy úshin, sonymen qatar, jańa tehnologııa men ınjınırıng salalarynda álemdik kóshbasshy bolyp esepte­letin kompanııalarmen ekonomı­ka­lyq baılanysty odan ári nyǵaı­týdyń mańyzy joǵary ekeni bel­gili. Halyqaralyq ǵylymı-tá­jirıbelik konferen­sııaǵa qatysý­shy­lar pikirinshe, “ekonomıkanyń ártúrli salalaryndaǵy ekijaqty qarym-qatynasty odan ári tereń­detýdiń búgin de, keleshekte de bereri mol”. О́tken jyly taýar aınaly­myn­daǵy keıbir kúrdelilikterge qara­mastan, bıylǵy jyldyń alǵashqy toqsanyndaǵy kórsetkish deńgeıi birshama jaqsaryp, ol 948 mıl­lıon dollardy qurady. Bir qup­tar­lyǵy, bizdiń elimizdiń eko­no­mı­kasyna Germanııadan keletin tike­leı ınvestısııalar kólemi de arta túsýde. Al munyń ózi, túptep kel­gende, ınvestısııalyq klımattyń naqty tartymdylyǵynyń aıqyn kepili. Qazaqstan bıylǵy jyly jaqyn onjyldyqta ındýstrııalyq-ınnovasııalyq damý baǵdarlamasyn júzege asyrýǵa kiristi. Sóıtip, qazirde bes mıllıard dollardy quraıtyn 140 jobany aıaqtaý josparlanýda. Sondaı-aq, 50-ge jýyq jobany júzege asyrý ju­mysy da bastalmaq. Jıynǵa qa­tysyp, óz pikirin ortaǵa salǵandar nemis ınvestorlaryn óz kapıtal­daryn osy jobalarǵa baǵyttaýǵa shaqyrdy. Sonymen, “Germanııanyń Qa­zaq­stan men Ortalyq Azııadaǵy saıa­sı jáne ekonomıkalyq múd­de­leri” atty konferensııada qaýip­siz­dik, saýda-ekonomıkalyq, qarjy-ınvestısııalyq jáne energetıka salalaryna qatysty naqty pi­kir­ler men usynystar ortaǵa salyn­dy. Taǵy bir atap aıtarlyq jáıt, Eýropa men Qazaqstan jáne Orta­lyq Azııa elderi arasyndaǵy qa­rym-qatynas jyl ótken saıyn ulǵaıa túsýde. Árıne, munyń ózi Eýropalyq Odaq elderiniń syrtqy saıasatynda Ortalyq Azııa el­deriniń strategııalyq mańyzynyń artýynyń nátıjesi ekendigi sózsiz. Bul oraıda, Eýroodaqtyń Ortalyq Azııa memleketterimen 2007 jyly qabyldaǵan jańa áriptestik strategııasy yntymaqtastyqtyń mańyzdy qyrlarynyń biri bolyp tabylady. Baqyt BALǴARINA, ALMATY.