Shymkent qalasynyń PD Patrýldik polısııa polkiniń qyzmetkerleri jol-kólik oqıǵalarynyń aldyn alý jáne jol qozǵalysyna qatysýshylardyń qaýipsizdigin qamtamasyz etý maqsatynda megapolıstiń avtomobıl joldarynda táýlik boıy kezekshilik etedi.
Jyldyń basynan beri qala kóshelerin patrýldeý barysynda tártip saqshylary mas kúıinde kólik quralyn basqarǵan 243 júrgizýshini anyqtady. Olarǵa qatysty Ákimshilik quqyq buzýshylyq týraly kodeksiniń 608-baby boıynsha tıisti ákimshilik sharalar qoldanyldy. Júrgizýshiniń kólik quralyn alkogoldik, esirtkilik jáne ýytqumarlyq masań kúıde basqarýy 15 táýlikke ákimshilik qamaqqa alýǵa jáne 7 jyl merzimge kólik quralyn júrgizý quqyǵynan aıyrýǵa ákep soǵady.
