«О́zenInvest» kommýnaldyq kásipornynyń habarlaýynsha, jazda turǵyndardy aýyz sýmen úzdiksiz qamtamasyz etýge sý qory jetkiliksiz.
«Jańaózende jáne oǵan irgeles eldi mekenderde sý tutynýdyń kúrt artýyna baılanysty 18 sáýirden bastap jáne kelesi mamyr, maýsym, shilde jáne tamyz aıynda aýyz sý keste boıynsha beriledi», dep habarlady kompanııa.
Kompanııa sondaı-aq sýdy utymdy paıdalanýǵa shaqyrdy. Jeke turǵyn úılerdegi baqshany sýarý úshin tamshylatyp sýarý ádisin qoldaný usynyldy, ol sýdy únemdeıdi. Sondaı-aq qudyq nemese sý toltyratyn ydysy bolǵany jón.
Al bul másele Toqmaqtan, Kendirli demalys aımaǵynan magıstraldyq sý qubyry arqyly Jańaózen qalasyna deıin qýaty táýligine 50 myń tekshe metr tushylandyrý qondyrǵysynyń qurylysy aıaqtalǵannan keıin tolyq sheshiledi. Zaýytty iske qosý 2024 jyldyń tórtinshi toqsanyna josparlanǵan.
Aıana Toǵanbek
