«Memleket basshysy Qasym-Jomart Toqaev óziniń sońǵy Joldaýynda Prezıdentke jaqyn adamdardy kadrlyq irikteý máselesin bólek atap ótti. Qasym-Jomart Toqaev adamnyń jáne azamattyń quqyqtary men bostandyqtarynyń kepili bolyp tabylatynyn eskere otyryp, Memleket basshysynyń jaqyn týystarynyń memlekettik jáne kvazımemlekettik qurylymdarda basshy laýazymdarǵa ornalasýyna Konstıtýsııalyq deńgeıde tyıym salý jóninde usynys jarııalady», dedi mıınstr Ortalyq kommýnıkasııalar qyzmetindegi baspasóz máslıhatynda.
Osy rette ol zańnamaǵa sáıkes bizde jaqyn týystarǵa kimder jatqyzylǵany jáne Prezıdenttiń jaqyn týystary qandaı laýazymdardy atqara almaıtyny týraly máselelerge tolyǵyraq toqtaldy.
«Osylaısha zańnamada jaqyn týystarǵa ata-analar, balalar, asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri jatady. Sonymen qatar sybaılas jemqorlyqqa qarsy is-qımyl týraly zańnama da jekjattar, ıaǵnı erli-zaıyptylardyń jaqyn týystary úshin shekteýler belgileıdi. О́z kezeginde Prezıdent Jarlyǵymen saıası jáne ákimshilik memlekettik qyzmetshiler laýazymdarynyń tizilimi aıqyndalyp, olarǵa mınıstrler, olardyń orynbasarlary, ákimder, memlekettik organdardyń basshylary jáne basqalar jatqyzylǵan», dep atap ótti Q. Mýsın.
Onyń atap ótýinshe, kvazımemlekettik sektorǵa memleket qatysýshy bolyp tabylatyn uıymdar jatady.
«Osylaısha zańnamalyq deńgeıde tıisti tyıymdar belgilengennen keıin, mysaly, Prezıdenttiń aǵasy, ápkesi, balalary «Samuryq-Qazyna» nemese «Báıterek» sııaqty ulttyq kompanııalarda basshylyq qyzmetke ornalasa almaıdy», dedi ol.
