Nurlan Rahmetýllauly Bıkenov 1973 jyly Nura aýdanynda dúnıege keldi. Eki joǵary bilimi bar: ol 1997, 2002 jyldary E.Bóketov atyndaǵy QarMÝ-dy jáne 2013 jyly Qaraǵandy ekonomıkalyq ýnıversıtetin támamdaǵan.
Eńbek jolyn 1991 jyly Nura aýdanyndaǵy Kýıbyshev atyndaǵy sovhozda jumysshy bolyp bastady. 1995 jyldan 2001 jylǵa deıin S.Taljanov atyndaǵy orta mektepte muǵalim bolyp jumys istegen.
2001 jyldan bastap memlekettik qyzmette. Nura aýdany ákimi apparatynyń ishki saıasat jáne áleýmettik sala bóliminiń jastar isi jónindegi bas mamany boldy. Sodan keıin Qaraǵandy oblystyq Ishki saıasat departamentiniń saıası partııalarmen jáne qoǵamdyq jáne dinı birlestiktermen jumys jónindegi bóliminiń jetekshi, bas mamany jáne meńgerýshisi bolyp qyzmet istegen.
2007 jyly Qaraǵandy qalasynyń ishki saıasat bóliminiń bastyǵy laýazymyna taǵaıyndaldy. Odan keıin oblystyq Ishki saıasat basqarmasy bastyǵynyń orynbasary qyzmetin atqardy.
2010-2012 jyldary Osakarov aýdany ákiminiń orynbasary bolyp eńbek etti.
Odan keıingi jyldary oblystyq Ishki saıasat basqarmasy basshysynyń orynbasary, sondaı-aq Din isteri basqarmasynyń basshysy qyzmetterinde boldy.
2020 jyldyń qańtar aıynan bastap osy ýaqytqa deıin Qaraǵandy qalasy ákiminiń orynbasary qyzmetin atqardy.
