«Almazbek Atambaev Shý oblysy, Alamúdún aýdany Moldovanovka aýylyndaǵy jalpy rejımdegi 27 mekemege aýystyryldy», dedi qyzmet ókili.
Buǵan deıin Qyrǵyzstannyń burynǵy prezıdenti Almazbek Atambaev Shý oblysy Petrovka aýylyndaǵy 8-shi túzeý kolonııasyna aýystyrýdy suraǵan. Oǵan deıin ol Bishkek qalasyndaǵy gospıtal tıpindegi 47-kolonııada jazasyn ótegen.
2011-2017 jyldar aralyǵynda Qyrǵyzstan prezıdenti bolǵan Atambaev 2019 jyly maýsymda prezıdenttik ımmýnıtetinen aıyrylyp, oǵan jemqorlyq úshin aıyp taǵylǵan bolatyn. Ol 2019 jyldyń 8 tamyzynda Bishkek irgesindegi Qoı-Tash aýylyndaǵy tártipsizdikterden keıin ustaldy.
2020 jyldyń qazan aıynda el prezıdenti Sooronbaı Jeenbekovtiń otstavkaǵa ketýine ákelgen oppozısııa jaqtastary men qaýipsizdik kúshteri arasyndaǵy qaqtyǵystardan keıin bılikke eldiń qazirgi Prezıdenti Sadyr Japarov keldi. Sodan keıin birqatar saıası tutqyndar, sonyń ishinde Atambaev túrmeden bosatyldy, biraq birneshe kúnnen keıin ol Bishkektiń ortalyǵynda jappaı tártipsizdikter uıymdastyrdy degen aıyppen ustaldy.
