Qazirgi kórsetkish 2014 jyldan bergi kórsetkishpen salystyrǵanda eń tómen bolyp esepteledi. Bul rette qurylys dınamıkasy paıdalanýǵa berilgen barlyq obektilerdiń jalpy sanynan 90-95%-yn quraıtyn salynǵan turǵyn úıler kólemimen anyqtalady. Bul rette baspana boıynsha kórsetkish tómendedi. Byltyrǵy jyldyń qańtar-naýryz aılarynda 9 044 turǵyn úı salynsa, bıylǵy jyldyń atalǵan kezeńinde7 764 nysan boı kótergen. Bul da sońǵy 8 jyldaǵy eń tómengi kórsetkish.
Osy oraıda paıdalanýǵa berilgen turǵyn úılerdiń jalpy aýdany 2,8 mln sharshy metrden asty. Bul ótken jylmen salystyrǵanda 0,2 paıyzǵa artyq. Paıdaly aýdany 2,44 mln sharshy metrdi qurady (-0,8%). Paıdalanýǵa berilgen páterlerdiń jalpy sany 23330 (-1,4%).
Bul salynǵan páterlerdiń ortasha aýdany óskenin kórsetedi. Eger 2021 jyly bul kórsetkish 103,9 sharshy metr bolsa, bıyl onyń kólemi 105 sharshy metrge teń.
