El ıgiligine arnalǵan partııalyq bastamalar

Basqosýlar barysynda Jańa Qazaqstandy qurý mindetterine sáıkes Joldaýdy iske asyrý jáne partııany jańǵyrtý máseleleri talqylandy. Sonymen qatar atqarýshy hatshy «Ardagerlerdi ardaqtaıyq!» jáne «Kedergisiz keleshek» partııalyq jobalary aıasynda ótken is-sharalarǵa qatysty.

Abaıdyń «Jıdebaı-Bórili» qoryq-murajaıynda Abaı aýda­nynyń aqsaqaldarymen júz­desken A.Oralov: «Memleket bas­shy­sy Joldaýda úsh jańa oblys qurylatynyn aıtty. Abaı obly­synyń ortalyǵy Semeı qalasy bolady. Bul tarıhı ári ádiletti sheshim, eń aldymen, óńirdiń damýyna qýatty serpin berip, onyń turǵyndary úshin jańa múm­kin­dikterge jol ashady», dedi. Al aqyn, Qazaqstan jazýshylar odaǵynyń múshesi Tólegen Jan­ǵalıev semeılikterdiń bul sheshim­di kópten kútkenin atap ótti. «Pre­zı­denttiń Abaı oblysyn qurý jónindegi sheshimine aıryqsha qýandyq. Bul sheshim – Mem­leket basshysynyń hakim Abaıǵa jáne Shyǵys jurtyna degen qur­metiniń belgisi», dedi ol.

Semeı qalasynda uıym­das­tyrylǵan zııaly qaýymmen kezdesýde tarıhı murany saqtaý, tarıhı-mádenı eskertkishterdi qalpyna keltirý jáne ónerdi damytý máseleleri de sóz boldy. Fılologııa ǵylymdarynyń doktory, professor Arap Espenbetov sózinde Abaı oblysyn qurý – Jańa Qazaqstandy qurýǵa, onyń ishinde rýhanı, mádenı, áleý­mettik, ekonomıkalyq aspek­ti­ler­ge qo­maqty úles qosatynyna senim bildirdi.

Jumys sapary aıasynda atqa­rýshy hatshy 100 jastaǵy soǵys ardageri Aleksandr Atavın, par­tııa ardagerleri – Oralhan Sar­taev pen Vladımır Halınniń úılerine arnaıy at basyn bur­dy. Esterińizge sala keteıik, aǵa býynǵa qamqorlyq jasaý maq­satynda 2014 jyldan bastap «Ardagerlerdi ardaqtaıyq!», partııalyq jobasy júzege asyp keledi. Osy ýaqyt aralyǵynda el aýmaǵynda belsendi uzaq ómir súrýdiń 45 ortalyǵy ashylyp, onda 60 myńnan astam zeınetker bos ýaqytyn ótkizedi. Budan soń partııanyń atqarýshy hatshysy Gold King sporttyq-saýyqtyrý kesheninde parasportshylarmen júzdesip, «Kedergisiz keleshek» partııalyq jobasy aıasynda erekshe qajettilikteri bar adamdardy qoldaý jáne qoljetimdi qalalyq orta qurý máselelerin talqylady.

Shyǵys Qazaqstan oblysynyń partııa aktıvimen kezdesý kezinde A.Oralov Amanat-ty jańǵyrtýdyń basymdyqtaryna keńirek toqtaldy. Búginde óńirde 300-ge jýyq bastaýysh partııa uıymyna biriktirilgen 52 myńnan astam partııa múshesi bar. Barlyq deńgeıdegi máslıhattar depýtattarynyń 85 paıyzdan astamy – Amanat partııasynyń ókili. 104 aýyldyq okrýgte ótken saılaý qorytyndysy boıynsha partııanyń atynan qatysqan kandıdattardyń 82%-y jeńiske jetken. Jyl basynan beri Shyǵys Qazaqstan oblysy boıynsha partııanyń qoǵamdyq qabyldaý bólmelerine 2,5 myńnan astam ótinish kelip tússe, halyqtyń basym kópshiligi áleýmettik qoldaý, jer telimderin bólý, turǵyn úı-kommýnaldyq sharýashylyq máselelerin kótergen.

Belsendi jastarmen kezdesý kezinde óskeleń urpaqty jergilikti jerlerde tolǵandyratyn ózekti máseleler talqylandy. Búginde oblystaǵy jas depýtattar korpýsynda Amanat partııasyna múshe 35 jasqa deıingi 43 otandasymyz bar.