Mozaik Education sheshiminiń tusaýkeseri

Májilistiń Áleýmettik-mádenı damý komıtetiniń tóraıymy Gúl­nara Yq­sanovanyń  jetekshiligimen komıtettiń kezekti keńeıtilgen oty­ry­sy ótti. Onyń jumysyna Májilis Tóraǵasynyń orynbasary Darı­ǵa Nazarbaeva qatysty, dep habarlady osy palatanyń baspasóz qyzmeti. Innovasııalyq sıfrlyq bilim berý Mozaik Education sheshiminiń tusaýkeseri (Vengrııa) jáne Qazaqstan Respýblıkasynyń bastaýysh bilim berýdiń memlekettik jalpyǵa mindetti standart jobasynyń tanystyrylymy jasaldy. «Mozaik Education» (Vengrııa) kompanııasy atqarýshy dırektorynyń orynbasary Peter Torok «Mektep únemi ózgermeli álemde tabysty bolýǵa qabiletti adamdy daıyndaýǵa talpynys jasaıdy», dep Garvard ýnıversıtetiniń (AQSh) professory Tonı Vagnerdiń sózimen bastap, aǵylshyn tilinde baıandama jasady. Qoldanystaǵy bilim berý júıesiniń negizgi kemshilikteri nede? Bilim berý mazmuny, muǵalimniń daıyn aqparatty oqýshyǵa berýi, oqýshynyń pánder boıynsha bilim, bilik jáne daǵdylardy qarapaıym deńgeıde meńgerýge baǵ­darlanýy. Orta bilim berý mazmuny nelikten jańartylýy kerek? Sarapshylardyń pikiri boıynsha, birinshi sebep – eko­no­mıkalyq. Balalardy ómirde óz ornyn tabýǵa úıretý kerek. Ekinshi sebep – mádenı. Balalardy óz ultyna tán sezimin damytýǵa úıretý kerek. Tanys­tyrylym barysynda Bilim jáne ǵylym vıse-mınıstri E.Imanǵalıev, «H.Jumatov atyndaǵy Gıgıena jáne epıdemıologııa ǵylymı ortalyǵy» respýblıkalyq memlekettik qazynalyq kásiporny dırektorynyń orynbasary L.Oraqbaı, Abaı atyndaǵy Qazaq ulttyq pedagogıkalyq ýnı­ver­sıtetiniń professory, pedagogıka ǵylymdarynyń doktory Á.Ámirova jáne Qazaqstan Pedagogıkalyq ǵy­lym­dar akademııasynyń prezıdenti, pedagogıka ǵylymdarynyń doktory A.Qusaıynov oılaryn ortaǵa saldy. Májilis depýtaty Gúlmıra Isim­baeva da óziniń uzaq jylǵy ustazdyq tá­­ji­rıbesinen kóterilip otyrǵan ta­qy­rypqa oraı usynystaryn bildirdi.