Daryndy urpaq dara ult qalyptastyrady

Qazaqstan Respýblıka­synyń Prezı­denti Qasym-Jomart Toqaev óske­leń urpaq­tyń bolashaǵyn búginnen qam­tamasyz etý qajettigin aı­ta kele, jańa kirgen Barys jylyn «Balalar jyly» dep ja­rııalady. Urpaqty ulty­nyń jalǵasy dep tanyǵan babalar amanaty memlekettiń jar­qyn bolashaǵyn aıqyndaýǵa arnalǵan barlyq mańyzdy baǵ­darlamadan kórinis tabýy osy kórme ispetti mazmuny te­reń sharalardan bastaý alady.

Balalardyń shyǵarmashy­lyq tulǵa­syn qalyptastyrý jáne estetı­kalyq tárbıesin da­mytýdy maqsat etken kórme túrli taqyrypty ortaq ıdeıa­ǵa toptastyrǵan. Álemdi aq-qara túspen emes, qyzyldy-jasyldy ashyq boıaý túsimen, baqyt pen beıbitshiliktiń úıle­simimen qabyldaıtyn bala tany­myn dál ári jan-jaqty zerdelegen Memlekettik ortalyq mýzeı dırektorynyń orynbasary Bıbigúl Dándiqaraqyzy: «Jas urpaqtyń rýhanı úılesimdi tulǵasyn, Otanymyzdyń kór­kemdik áleýetin damytý úshin balalardy erte jastan ónerge degen súıispenshiligin óris­tetip, tárbıeleý qajet. Olar­dyń sulýlyqqa degen qush­tarlyǵy –  eresek sýretshiler úshin úlgi. Qa­zirgi ýaqytta eli­mizdiń peda­gogıkalyq qoǵam­dastyǵy óskeleń urpaqty ulttyq beıneleý óneriniń qupııalary men qyr-syryna úıretý úshin tynymsyz eńbek etýde, óner arqyly olardy qazirgi za­manǵy kórkem baǵyttarmen tanystyryp, estetıkalyq tárbıeni, sulýlyqty bala boıyna sińirý úshin izdenisin arttyryp keledi», dedi.

Kórmege elimizdiń túkpir-túkpiri­nen iriktelgen 7 men 18 jas araly­ǵyn­daǵy daryndy balalardyń shyǵarma­shylyq jumysy qoıyldy. Ártúrli tehnıkadaǵy jáne aǵash, metall, plastmassa, mata, jún sekildi túrli materıal­dar­dan jasalǵan sýret, grafıka, músinder men sán­dik-qoldanbaly óner buıymdary bala qııalynyń tym tereń jáne sheksiz ekenin kórsetedi. Bul kórmede bala­lardyń es­tetı­kalyq sezimin, kórkem­dik talǵamyn oıatyp, shyǵar­­mashylyq qııalyn damytý úrdisi belgili júıede jı­naq­talǵan. Shyǵarma­shy­lyq jumystar arqyly ár aımaq­tan kelgen balalar qurdas­tarynyń turmysy men ómir sal­tyn, ulttyq jáne mádenı erek­sheligin túsinýge úırenedi. Talant ekenin taı kúninen kór­setip, baby kelisse, biregeı sheber bolyp shyǵatynyn búgin dáleldep otyrǵan bala­larǵa arnalǵan bul kórme – baǵa jetpes qoldaý. Áli jas bolsa da, kelesheginen úmit kúttiretin talantty bala­lardyń tyrnaqaldy týyn­dylarynyń ulttyń rýhanııat ordasy bolyp otyrǵan Mem­lekettik orta­lyq mýzeı sekildi iri mádenıet ortaly­ǵyna tuńǵysh ret kópshilik nazaryna usy­nylýy «Balalar jyly» aıasynda ǵana múmkin bolyp otyr.

Mýzeı basshylary, T.Júr­genov atyndaǵy Ulttyq óner akademııasynyń profes­sorlary, ulttyq beıneleý óne­­riniń irgesin kótergen kór­nekti qylqalam sheberi Ábilhan Qasteevtiń qyz­dary Gúldarııa men Gúlna­zııa kór­mege qatysqan jas da­ryndardyń shyǵar­mashylyq izde­nisin jo­ǵary baǵalap, úzdik dep tanylǵandarǵa Alǵyshattar men ensıklopedııalyq albom-kitap­tardy syıǵa tartty.

ALMATY